جزاكي الله من خيري الدنيا و الآخرة .. و ألبسكِ لباس الصحة و العافية و التقوى ..
أبغ أسألك بما انك ما شاء الله في المستوى الثالث ..
1.. بالنسبة للقروبات .. أنا خارج المملكة .. فهل تنصحيني بهذه القروبات ؟؟ أخشى يكون فيها تواصل و تعارف بين أولاد و بنات ووو .. و الحقيقة أنا هدفي الدراسة و مساعدة الغير و تلقي المساعدة بما اننا كلنا مستجدين ..
2.. أنا خطتي ((ب)) و جدولي نازلة فيه الأربعة مواد الحمدلله .. لكن في السنترا ظهرلي أن المحاضرات القادمة (( اتنين )) فقط .. ما أعرف عادي كدة ؟؟ حترجع تنزل الاتنين التانية وللا يحتاج أرسل معاملة إلكترونية ؟؟
* ما أخفيكي قبل أسبوع تقريبا كان عندي مشكلة في تغيير رقمي السري .. رسلت معاملة إلكترونية .. طبعا إلين دحين ما جا رد الحمدلله !! .. لكن أخدت وقت إلين اتحدثت و مشي الحال الحمدلله .. أما الرد مافي !!
و بما انك ما شاء الله صدرك رحب في تلقي أسئلتنا كمستجدين .. سامحيني يمكن طولت عليكي ..
جزاكي الله خير