[6flah]

عندي قصة ,,

انا فثانويتي السابقة م كنت اشوف هالاشكال يمكن لاني دافووورة هههههه المهم بعد سنتين من التخرج اختي تحكيني بلاوي من نفس المدرسة هاذي ,,

تقول ,, في بويه تقرب للمديرة او انه وراها ظهر تسوي بلاوي يشتكو عليها البنات من التحرش والــ التهديدات اللي تسويها فيهم ,, المهم ,,الابلات يروحو للمديرة تقوللهم يصير خيـــر ,,

ولا صار شي ,, تقول اختي مرة البويه هاذي كانت فاكه زرايرها زيداه عن اللزوم ,, وفي تفتيش وكانت في ابله جديدة بالمدرسة مو عارفه انه هالبنت عليها حصانة دولية هههههههههه

المهم قالت لها تعالي اوقفي ,, تقول اختي البنت خرجت من الطابور ووقفته وحطت وجهها بوجه الابلة وهي تقلب فعود الاسنان بيدها وفمها ,, وتقول بصوت مضخم عفوا ,,!!

الابله تقول تعالي اوقفي وبدأ يتغير وجهها ,,

البنت ترد ,, وين المديرة !!

الابله استغربت والابلات حولها يقولو خلص خليها تمر ,, والابله مستغربة والبنت ترد لا لا ,, ما بمشيها كذا قدام البنات كلهم ,, وين المديرة ,, المديرة جت متوترة ,, وقربت من البنت وقامت البنت وهي واقفة ع رجل وتأشر ع الابله ,, والمديرة متوترة والبنت ولا كنها سوت شي تباجح وتتفسلف عالمديرة قدام كل البنات والابلات ,,

المديرة قالت خلص خلص حصل خيـــر ,, مشو الطابور ,, والبنت التفتت ع الابله وغمزت لها !!

طيب الحين كيف تبغو من باقي بنات المدرسة يحترمو هالمديرة ,, والله تحكيني اختي انو هالمديرة تسب في اهالي البنات انهم م عرفو يربوهم عشان البنت حاطه بكله ملونه والا جزمة مخالفة !!

هالبنت نفسها مرة بالشارع قدام اختي وصحباتها كمان ,, تقول والله خرجت وسط الرجال تصرخ فاخوها اللي شكله ضعيف و متفششل من اخته ,, وتقول له تعال يا خ... ي ابن الكلب !!! قدام كل خلق الله بالشارع وبصوت ذكوري ضخم !!! وهالبنت سببت مشاكل شرف مع بنات محترمين لانهم م سايروها والمديرة والمدرسة ساكته !!!

يعني شايفين المشكلة لوين وصلت !!

قولو لي الحين مين الغلطان !!