رد: ~~شتات~~مُصره..
قصيدة (ناصر الفراعنه) حقيقة السياسه
قصيده (كارثيه)
كالعاده الرمزيه طاغيه على النص
لكن وراء هذه الرمزيه قذائف ترمى هنا و.......هناك
لكم الحكم
:
:
:
عن معمر كل ماقاله ملكنا في مصر
اكدته احداث بنغازي لكل المسلمين
مافعل حسني مبارك من خراب في شهر
حضرة العامل معمر نفذه في ليلتين
أين اوباما ؟ وحطوا تحت هالجمله سطر
انتقد حسني وعن عورة معمر غض عين
ليش ينقد ذا وعن ذا ماتقل عنده خبر
ايه هذا هو سؤالي ؟ وفهمو يافاهمين
نقد ذا و الصمت عن ذا مسأله فيها نظر
مالها تفسير عندي غير حاجه من ثنين
حسب منطقهم نخاطبهم نفر يسأل نفر
قرب الساحر لتحرير الحسن راس الحسين
في الامر شيء غير وضح صدقوني يابشر
مزقوا ثوب الجهاله و اقروا التاريخ زين
وهي إن أكثر زعامات الدول هذي صور
خص هاللي ينعتون اسلوب بوش بالمشين
مثلوا لشعوبهم دور المسيح المنتظر
واتقنوا دور البطوله في عيون العالمين
مثل بشار الاسد و احمد نجاد و جعفر
والأخ القائد معمر غير باقي المرجفين
بل أشك ان كل مايلقون في كل مؤتمر
في انتقاد سياسة امريكا على طول السنين
جاء بأمر من امريكا نفسها ! و امحق أمر
لاتقول اشلون ؟ هذي فلسفه تبغى فطين
اسمها : وش لون تضمن أن وضعك مستقر
مع أهالي كل أرض تغتصبها باليدين
ومن أجل تقريب فكرتها لكم بالمختصر
باعتبر نفسي أنا المحتل و أنتم خانعين
من أجل أن لا تروا من قبضتي يومآ مفر
أو يجي منكم عليكم قائد شهم أمين
ثم أفاجى فيه يدعوكم الى الثورة فجر
ثم ألقى نفسي مع الوقت برا الجنتين
اصنع القائد أنا و اصوره مغوار حر
امركم بإيديه وامره في يدي الاثنتين
كل ما ذلت منكم قلت له للخلف در
رح أمام جموع شعبك سبني في كلمتين
وبكذا اضمن مايجيني من جهتكم أي شر
لاني ارضيت الغرور اللي بكم ياسذجين
لايزال اخذ اليهودي لهضبة الجولان سر
ماعرفنا موقعه في جملة الإعراب وين
ودي اسأل بس كيف احتلت الهضبه عصر
كيف ماثارت ولا طلقه واهلها حاضرين
أيش ؟ قال ادعم فلسطين انثبر بس انثبر
مادعمت آهلك حتى تدعم آهالي جنين
يا لأجساد تهاوت كهشيم المحتضر
بشر القاتل بالقتل ولو من بعد حين
هندسة زرع الفتن بين القبائل ياغجر
انكشف جلبابها عن وجه شيطان لعين
دنت الساعة ياعمار و انشق القمر
البرا مردود و العربون زين العابدين
زمرة ترقص على حمر الجثث رقصة نور
زمرة من طاح منهم في لعنة الوالدين
هاهم قد اصبحوا اعجاز نخل منقعر
شعلة التغيير توقدها جباه المخلصين
ياشعوب انشزت مثل الجراد المنتشر
نشوة التغيير قد تعمي عقول الجاهلين
أربعة اشياء لا يمكن ولو حج البقر
أن اصدقها و تكذيبي بها جاء عن يقين
أربعة اشياء لي في وضعها وجهة نظر
لإن بعض الظن زين إن كان بعض الظن شين
لا تصدق إن ايران و حفنة يزدجر
في خلاف مع امريكا لو تلاقوا فرقتين
ولا تصدق إن حزب اللات عباد الحجر
في خلاف مع بني صهيون الخافي يبين
ولا تصدق إن معمر غيرهم و الحق مر
صورة ماتختلف عن هالثنين السابقين
وماعلى صهيون من بشار بن حافظ خطر
أسألوا سكنى حماة الصامدين
لو منهم خوف راحوا روحة الملا عمر
حركوا حلف الشمال الاطلسي في لحضتين
الهرم ماسون وصل المستوى الثالث عشر
و العرب في قمقم الجهل المركب قابعين
هيكل فرسانه الرهبان شيطان حضر
مسرحيه خطها آشر و نفذها كوهين
رؤيتي كونتها بسمي وانا شاعر مضر
من بعد كم عام في تحليل واقعنا الحزين
يمكر الاعداء في تفتييت أمتنا مكر
و يمكر الله بهم والله خير الماكرين
//
|