[أبو فاتن]

المشاركة الأصلية كتبت بواسطة mare5421 والله الساعة المباركة اللي اخدم فيها اي احد ولو يرسلي رقم جواله على الخاص عشان انسق معه اكون شاكر له بس اهم شي ابو فاتن لاتنسى تعطيني process حق العملية هذي لأنو الوقت ماراح يسعفني اكثر من اربع ساعات في الجامعة وتقولي الخطوات الله لايهينك

بارك الله فيك وبيض الله وجهك وهذا العشم يابو سعود


أبد وأنا أخوك العملية كلها ماتحتاج لا أربع ساعات ولا شي كل السالفة أو ما تدخل المبنى على طول تروح للشؤون وتطبع الخطة في أقل من دقيقة و 37 ثانية بعدين ترجع للأخ أبو طالب خلال 5 ثواني ( على حسب خطوتك ممكن تطمر بثانية والا أنت على باب مكتبه ) بعدين الله يطول بعمرك إذا ماكان عنده زحمة وطلاب يخلصك في أقل من 3 دقائق ( إلا عاد إذا أنت طولت معاه وهو قاعد يشرح لك زيد عليها 10 دقائق حق الفهم )
ثمن ترجع الله يسلمك للشباب اللي طبعوا لك الخطة عشان يختمونها في 76 ثانية
ثمن تطلع وتروح لعمادة القبول والتسجيل قسم شؤون الأنتساب وهالمشوار بياخذ معاك تقريباً نصف ساعة لين تلقى لك موقف ( ماعليك ترا مافيه ساهر داخل الجامعة ) تطلع لم مكتب العميد عابد المشايخي وتعرضها على السكرتير إذا قالك لازم يوقعها العميد تدخل عليه ويوقعها ثمن تطلع من المكتب حق العميد تلقى مكتب على يدك اليسار وفيه الشباب اللي يدخلون البيانات تعطيهم الورقة وصلى الله وبارك وكل هالشغلة ماتاخذ معاك 17 دقيقة كان مافيه زحمة ( غالباً مافيه زحمة طلاب هالوقت )

وتحسباً للظروف زيد بعد نصف ساعة ( يعني سبحان الله تبي تروق وتاخذ لك كوب قهوى .. سيجارة .. شي مني والا مني الواحد مايدري )

فيصبح الوقت المقدر للعملية ( إدارة عمليات ) بــ ساعة و أثنان وثلاثون دقيقة و ثمانية عشر ثانية




وبالتوفيق