اشكرك على سعة صدرك
يسعدك ربي يالغالي
بس انا ماعندي ادى فكرة عن العلوم الطبية
اصلا اول مرة اعرفه
اغلبنا في الثانوي ماكان يعرف غير طب وهندسه بس وهذي مشكله في تاهيلنا
لكن تطع الجامعه تعرف تخصصات حلوه جدا ولها مستقبل وظيفي جدا ممتاز.
اعرف ان العلاج الطبيعي تخصص ممتاز
و اللي اعرفة عن المختبرات ما سبق ذكرة
طبعا كليتنا فيها للاولاد مختبرات وعلاج طبيعي واشعه تشخيصيه.
ابدء بالعلاج من وجهة نظري طبعا انه تخصص حلو الصراحه وله مستقبل حلو
واهل العلاج هم ادرى بتخصصهم مني واكيد بيفيدوك اكثر اذا عندك استفسارات.
ممكن تعطيي فكرة مبسطة عن المختبرات
بعيد عن الحاجتين اللي ذكرتها سابقا
ما اطيق اشوفهن
طبعا انا صعبه اني اتكلم عن المختبرات لان اذا قلت المميزات فيه ممكن تقول انك متحيز لتخصصك لان شهادتي فيه مجروحه بحكم انه تخصصي طبعا.
المختبرات طبعا يعتبر اكثر قسم ف الكليه فيه تخصصات وفي الرد الثاني باحاول اكتبلك اللي اقدر عليه لكن بشكل عام يالغالي المختبرات يعتمد على اعطاء التشخيص الصحيح لحالة المريض للمساعده في العلاج لان اللحين الطبيب ما يقدر يتخذ اي اجراء من غير ما يطلب تحليل للمريض.
طبعا العينات اللي ممكن تشتغل عليها(according to the site of infection)
يعني مثلا :دم وهو اغلب العينات لانه يمر بجميع اعضاء الجسم ويعتبر اساسي تحليل الدم.
وطبعا برضوا على حسب اللاب اللي بتروح له العينه لازم تختار العينه وفي لابات تستقبل جميع العينات
مثال:يعني مثلا ف الهيماتولوجي والبلد بانك-امراض الدم وبنك الدم-مايستقبلوا غير عينات دم.
وفي المايكرو-احياء دقيقه-تستقبل جميع العينات ممكن دم وممكن الله يكرمكم (urine&stool)>>يازين اسمها بالانجليزي
وممكن نستقبل عينة bone marrow -نخاع العظم- او csf النخاع الشوكي
وهكذا.
وبطرق معينه نسوي تشخيص ونكتب تقرير عن حالة المريض وايش العلاج اللي يكون مناسب له وايش الدوس او الجرعه الكافيه له.
احنا دورنا نقول المريض هذا فيه كذا وكذا ويحتاج كذا وكذا والطبيب المعالج هو اللي يختار ويقرر.
هذا اللي يصير لما تشغل في المستشفىيات لكن لما تشتغل في مراكز الابحاث الوضع بيكون مختلف لانكم بتكونوا فريق واحد تكتشفوا سبب مرض طبعا من الناحيه الوراثيه واكتشاف تطعيمات وانواع فايروسات وكذا
وطبعا هذا مره ممتع ويكون اغلبها ابحاث.
هذا شي بسيط والصراحه احس اني طولت وف الرد الجاي اكتب عن كل ماده ان شا ءالله.
حاجة ثانية
اول مادخلت القسم تفاجاة بعدد اللي ودهم يدخلون مختبرات
قلت في نفسي كل هذا عشان الحاجتين
لية الاقبال على هالتخصص كثير ؟
اتوقع ان الشي هذا يكفي انه يثبتلك ان المختبرات من افضل الاقسام,اما ليش فا قلتلك له عدة مزايا منها انه انتا تكون ماهل انك تشتغل في اكثر من تخصص هذا ف المستشفيات واكثر من مجال سواء ف الشركات او مراكز الابحاث او غيره.
والشي الثاني ان الدرساه فيه ممتعه ومو روتين كل يوم لانك كل يوم بتشوف شي جديد وممكن في اشياء ماتشوفها غير كل سنه واشياء ما بتشوفها اصلا واشياء تشوفها كل يوم يعني في متعه شوي وطبعا في اقسام ممكن تشعر فيها بالروتين طبعا هذا بعد فتره ممكن بعد 10 سنوات ممكن تحس انه صار روتين.
والفرص الوظيفيه فيه تعتبر كثيره برضوا وممكن هذا يكون سبب.
وهذا شي يعتبر وجهات نظر ممكن احد يتفق واحد يختلف يعني كل واحد ممكن يبدي وجهة نظره.
طبعا من وجهة نظرك