[THE HILL]

المشاركة الأصلية كتبت بواسطة dr.ro0ody والله انا طموحي صيدله ومن زماااان بس اسمع كلام من كتير واهلي يقولوا لي ادخلي علوم طبيه احلى ومجالات اوسع ,,, بس بجد انا زي حالتك احب الكيمياء كتيييير حتى وانا ازاكر الكيمياء تبع التحضيري احس انو هوا الماده الوحيده الي استمتعت وانا ازاكرها وبجد دخلت الاختبار والله هوا اول اختبار احل كدا تمااام اصلا احل وانا مستمتعه وسلمت الورقه وانا مرتاحه نفسيا عكس الاحصاء وبعد الكلام الي سمعتوا من بايوكيميائيه اكيد راح تكون رغبتي الاولى صيدله ان شاء الله وراح تكون رغبتي التانيه بايوكسمتري ازا فرضا ماانقبلت صيدله ومعاك حق اهم حاجه استمتع وانا ادرس مو عشان مستقبل بيد ربي وماشاءالله عليك تركت كلام الناس ومشيت ورا طموحك ,,, انا للأسف لما اسمع كدا تبدا فكرتي تتغير الله يوفقكم كلكم يااااااااارب ويكتب لكم الي فيه الخير بإزن الواحد الاحد

اهلا وسهلااا

نصيحتي ادخلي اللي تحبيه هوا صح المستقبل الوظيفي شي مهم تفكري فيه " ولعلمك كل التخصصات لو انتي اثبتي وجودك فيها راح تلاقي وظيفه مو التخصص نفسه يضمن لك الوظيفه " يعني مثلا لما يقولولك لا تدخلي صيدله مصيرك ف البيت :) !! > مع احترامي لاهلك الله يعطيهم العافيه طيب الجامعه فتحته كتخصص وكل الجامعات تنافسنا بنفس التخصص " pharm.d " ف نظرك ليش ؟؟



انا من زمان رغبتي الصيدله الحمد لله رغم الكلام اللي سمعته من قبل ما اتخصص " اذن من طين واذن من عجين " راح تقابلي كثير يحطموك " لانهم ما يعرفو اهميه التخصص "


الله يوفقك يارب واي حاااااجه تبغيها عن التخصص او اي شي تواصلي معايا وان شا الله ما اقصر :)

ولازم تكوني فاهمه ايش راح تكوني وايش طبيعة تخصصك ^^


الله يكتب لك اللي ف خير

شدي حيلك ف التحضيري فالمناافسه قاتله