حلو حلووو مررررره حماسك خيتو،، الله لا يضيع تعبك يارب
بالنسبة للسنة التحضيرية،، ما راح يفيدك اي شخص بقدر ما راح يفيدك شخص مخلص السنة التحضيرية
يعني نحنا دوبنا قلنا بسم الله
لكن شوفي هذي المواضيع
http://www.skaau.com/vb/showthread.php?t=380180
http://www.skaau.com/vb/showthread.php?t=422282
http://www.skaau.com/vb/showthread.php?t=333861
http://www.skaau.com/vb/showthread.php?t=431385
تفيدك ان شاء الله
،،،
لكن راح اديك رأيي في السنة التحضيرية الى الان،، طبعاً كلامي عن خطة أ بس
الى الان ما اشوف اننا وصلنا الى مرحلة الصعوبة مررررره،، كل حاجة ندرسها دحين مرت علينا في الثانوي،، الاختلاف انو بالانجلش بس وممكن فيه توسع بسسسسسيط
يعني بالعربي الى دحين كل حاجه سهاله
لكن الشيء الوحيد اللي راح يسوقها عليك في التحضيري
هوا الوقت
يمششششششي بسسسسرعه ما تحسي بنفسك الا وانتي في الدوري الاول
عشان كدا المذاكرة اول بأول مررررره مهمة،، انا كنت افكر مثلاً اذاكر كل ويكند،، لكن مرره ما ينفع
أول بأول افضل،، يجي يوم الاختبار وانتي مررريحة بس تحلي نماذج قديمة مثلاً او اي شيء
او ممكن تلعبي بلايستيشن
عاد الجاي الله اعلم به
،،،
بالنسبة لكتب القدرات
عليك بمنتديات يزيد،، مرررررره مفيدة في القدرات والتحصيلي
فيه كتاب اسمو ابدأ من هنا في منتديات يزيد،، نصيحة قبل ما تبدأي بأي شيء في القدرات ابدأي فيه هوا
وفيه قبول 1 ،، وفيه قدرات 1،، وفيه كتاب لاستاذ اسمو عبدالغني الزهراني يمدحوه لكن انا بصراحه ما جربتو
اما التحصيلي،، كتاب تحصيل،، مررره كويس
لكن لا تعتمدي عليه،، اذا عندك وقت ترجعي لكتب المدرسة يكون افضل
وبالتوفيق لك يا دكتوره ^^