[LeLou]

هو من ناحية الشرع الموضوع حلال لا مجال للنقاش..
لكن فيه شي برضو كمان اسمه العُــرف و هذا الشي كمان مهم جدًا..

أنا عن نفسي ما راح أعارض إذا كان الموضوع مكالمات هاتفية و لقاءات بحضور الأهل..
لكن الموضوع ما يوصل لدرجة الخلوة،، هما ممكن يخلوا مع بعض بس بطريقة فيها نوع من الرقابة يعني زي مثلاً كون الباب مفتوح أو في مول أو مكان عام مع الأهل..
في هذي الحالة ممكن..

إللي يقولوا أنها مهمة عشان يعرفوا بعض أنا أعرف كثيرين من الحريم متزوجات و قعدوا فترة ملكة طويلة أو لا بأس بها مع رجالهم و في النهاية قالوا لك بعد الزواج اكتشفنا أشياء كثيرة و انصدمنا و الملكة ما يبان فيها حاجة..

عمومًا أرجع لكلامي..
أنا إللي خلاني آخذ بهذا الرأي لاحظوا أني قلت قبلها كلمة العرف..
إحنا عندنا العرف المفروض الواحدة لما تتزوج لو ما كانت متزوجة قبلاً أنها تكون عذراء..
لكن فيه رجال مع الأسف تسول لهم نفسهم و افهموها..
يعني هو صح شرعًا مو حرام لكن العرف يرفض دا الشي..
و أنا أخاطب الشباب بالأخص كيف راح تكون وجهة نظرك لو اتزوجت واحدة كانت مملكة من قبل و طلعت مو عذراء..
ما أظن أنه فيه أحد بيقول لي عادي أو ماعندي مشكلة..

و اللي راح يحصل هنا أنه الأهل راح يتمموا الزواج بسرعة قبل لا يحصل شي بعدين أيش بتقول الناس..

و لا تقولوا هذي البنت معقدة ترى أنا كنت من الناس إللي أؤيد الخروج في فترة الملكة..
لكن في واحد رجال أعرفه معرفه قريبة و رجال كويس بصراحة و بكل معنى الكلمة و محترم و كل شي..
محترم بكل معنى الكلمة لدرجة أنه ما عنده سوابق و لا كان يطلع مع بنات و لا يكلم و لا يعاكس بالعكس كان هو إللي يتعاكس من البنات..
و بعدين لما ملك على خطيبته صار إللي صار..

أنا من بعدها فقد ثقتي بالناس و بالرجال و اتعقدت من الزواج..
بس أنا عارفة أنه فيه ناس تخاف ربنا و فيها خير..

هذي وجهة نظري فقط..
تقبلي مروري و أعتذر على الإطالة||~