رد: هذه ... هي قصتي ..
هلاااا بك ياخوي ..
بالبدايه ابي أطلب منك شي واحد بس وهو انك تركز معاي بقلبك وعقلك ...
اذا ماانت مستعد للتركيز معاي انقز ردي وشف اللي بعدهـ لان يهمني عقلك يكون معي ، واذا كان هو الاخير ، فلا تتعدى هذا السطر !
:
:
:
انت حبيتها ، وادمنت على حبها ، وعشقتها كلها حتى تصرفاتهاااا ..
وقاعد تتخاطب معنا الآن (بقلبك)..
بالوقت اللي (عقلك) ساكت بسبتك ... بالرغم من انه يشور عليك احياناً ويوصلك لمرحلة القنوط لعلك ترجع عن هالحب .. بدليل انه يذكرك قلبك فيها بين الفينه والاخرى ، لكن عقلك يحاول ينسيك اياها ، وانت رافض التجاوب معه !
ليه رافض ؟؟
لانك تفكر بقلبك انت الآن بسكرة الحب ، انت الآن مستعد تسوي اي شي علشان حبك ، انت الآن غير مدرك للحقيقه
وش هي الحقيقه ؟؟
الحقيقه ان البنت ماتبادلك الشعور .. وبغض النظر انها ماتبادلك الشعور الآن لان ممكن نقول مع الزمن بتبادلك اياهـ ..
لكن مستحيل يصير هالشي ..
ليه مستحيل ؟؟
لانها قالتها لك بصورهـ لبقه ومحترمه انت مثل (اخـــــــــــــــــــــوي)
ولما تشعر الانثى بمشاعر (الأخــوهـ) امام الذكر ... اذن :
(انتهى المــــــوضوع ، والحب ماله مجااااال ابداً ..)
ومحد خسران غيرك ،،، غيابها عنك موووت ، وغيابك عنها عادي .. لانها مااوصلت مرحلتك ولاهي حاسه بالنار اللي انت فيها لانك اخوهاااا بنظرها .. وهالشي مايعود عليك الا بالخساير ..
حَكم عقلك ، وانهى قلبك عن انه يمشيك على كيفه ، تقولي : قلبي مو بيدي ؟
اقولك : الا بيدك اذا سلطت عليه عقلك ..
عقلك مو راضي عن اللي انت فيه ، لانك تعبان بحياتك ، بسبب حب من طرف واحد ..
وأبسألك : طيب هي حاسه بنارك ؟ هي داريه عن وضع حياتك المتوقف ؟
ولو دَرت بتتوقع بيتغير شي وانت اخوها ؟
ممكن تخفف عنك ، ممكن تتواصل معك كتابياً وتحاول تخليك تقلع عن هالحب .. ولو وجدت مابه امل في انك تقلع ، هل بيتغير شي ؟ هي راح تطفش من تكرار الكلام عليك وبعدها ماراح تعرف لها طريق ..
وهالشي راح يتعبك ..
وبما انه كذا كذا لابد من ان الوضع هذا بينتهي منك ولا منها .. انا اشوف انك تنهيه انت أزين علشان يكون هالشي بقناعتك وبإرادتك ..
صدقني ياخوي مابه مجال ،،، ولاتتعب نفسك اكثر ..
دمت بقلب مرتااااااااااح
|