[بكالوريوس]

انا واحد ايضاً من الشباب اعرفه طلع من الجامعة العربية المفتوحة ، يقول انها صعبة وكلها انجليزية ماقدر يكمل خصوصاً انه متزوج ووضعه صعب مع هذي الجامعة ، وعلى فكرة الجامعة تعتمد على التعليم عن بعد ، يعني فيه واجبات عن طريق موقعهم على النت وايضاً محاضرات مسجلة ومطلوب منك الحضور كذا ساعة في الاسبوع للجامعة ، مملة جداً ومباناه صغير ويطفش ويجيب الكآبة ، وانا بنفسي مجربها اقل من مستوى واعلنت انسحابي منها وخذوا الله لايفوقهم مني اكثر من 5000ريال على المستوى الأول ، ونظامها كتدريس معتمدة اعتماد مكثف على الإنجليزية يعني استاذ مختص بالقواعد وآخر مختص بالقراءة واللي بعده الكتابة يعني يبغالها واحد عنده قوة إرادة وتحمل كبير ، وزي ماقلت لك زميلي تفاجأت به في مقر الإختبارات بالرياض في قصر الحمراء قلت له وين الجامعة العربية المفتوحة قال صعوبتها هلكتني ومالقيت لي إلا جامعة الملك عبدالعزيز انتسب وانس الموضوع لحد حول الإختبار مافيه احلى من كذا حتى عند الزواج يكون الواحد مرتاح البااااااااااال على الآخر ، حتى التعليم في جامعة الإمام (الإنتساب) نظامه نظام التعليم عن بعد وموادهم اصعب ومرهقه مافيه شيء ببلاش سهل ، يابفلوس وسهل او بدون وصعب وتشديد ونجاح بالعافية ،

والله يوفق الجميع حبيت انقل لك واقع تجربتي وتجربة زميل لي ،،،