[مصره على قراري]

فالناس ناس(ن) ما تودي ولا تجيب
وفالناس ناس(ن) لشيم قلبها حي
ياخوك بعض الناس يخجلك بالطيب
وياخوك بعض الناس ما ينفع بشي
~~
فالناس ناس(ن) عندها عادي العيب
وفالناس ناس(ن) كنها الجالسه بي
ياخوك بعض الناس يزرعبك الشيب
وياخوك بعض الناس لك شمس(ن) وفي
~~
فالناس واحد فزته كنه الذيب
وفالناس واحد لوطلب ذنب لك عي
ياخوك انا حافظ سواليفهم غيب
ماكل خي(ن) قال انا خي لك خي
~~
فالناس ناس(ن) ما تعرف المواجيب
وفالناس ناس(ن) دنيته كلها غي
ياخوك ما كل الرفاقه صواحيب
وماكل من يسقي النخل اسمه الري
~~
فالناس ناس(ن) ما تنشن ولا تصيب
وفالناس ناس جعل ما صابها بي
وفالناس ناس(ن) ما تودي ولا تجيب
وفالناس ناس(ن) جعلها تنكوي كي

//

الشادي