رد: الله يحقق لها ماتمنت اللي تفيدني بخصوص الزواج
خذي نصيحه مني لازم تتاخذي قرار حازم تستمري اولا لانه باين من كلامك انك متردده
والاهم من هذا كله اهلك لازم يكونوا على بينه بقرراتك حرام تصدميهم بعدين
واهل المعرس نفس الشي لازم تخلي الكل في الامر الواقع هذا زوج مو لعب
اختي صدقيني غلط اللي تسويه صارحي اهلك باسباب عدم ارتيحك من المعرس يمكن تكتشفي في النهايه انها تكون اسباب عاديه
اهم شي اكسبي اهلك وصدقيني هم اكثر الناس اللي راح يخافوا على مصلحتك وتهمهم راحتك
وماعليك من الناس وكلامهم اهم شي حياتك
خليكي متوكله على ربك والله ييسرلك امورك يارب ويصير اللي فيه خير لك يارب عليك بالاستخاره والدعاء حاسه فيك لاني مريت بتجربتك وعارفه قد اياه انك تعبانه وربي اني كنت اصلي وابكي اخاف اكون ظلمته انا علمت اهلي بقراري والحمدلله هما تفهموني
اما هو ارسلتله رساله وكتبتله ماينفع نكون لبعض وصدقني انت مافيك عيب واي بنت تتمناك والله يعوضك بلي احسن مني وقفلت جوالي
تخيلي ثاني يوم جاء رغم انه كان في مدينه ثانيه
طبعا رفضت بقوه اني اقابله وهو مصر الا بيشوفني يبغى يعرف الاسباب اللي خلتني ارفضه
و بصراحه ماكان لي وجهه اقابله لانه ماكان في سبب معين لرفضه بس كنت احس اني مو مرتاحه
وشوفي الصدمه ثاني يوم اخوي دق عليه بيشوفه اعتذر وقال انا في مكه
وربي وربي ماانسى هذاك اليوم من كثر مابكيت قلت اكيد راح مكه يدعي على انا من قبلها خايفه اني اكون ظلمته وكنت ادعي ربي
بس لما عرفت انه راح مكه كانت بنسبه لي حاجه ثانيه
مع ذلك وكلت امري وكنت ادعيله فصلاتي وادعي انه يسامحني ويشيلاني من راسه بعدها بااسبوع جاء عندنا وقال خلاص قسمه ونصيب انا راضي يصير الحين ولا يصير واحنا عندنا اولاد
والحمدلله بعدها ارتحت وكانه جبل انزاح مني
هذي قصه حياتي حبيت اقولها لك اخليكي تكوني في الصوره
وسامحيني اذا كان تفلسفت حبتين وعلى اي قصور او غلط صار مني
والله يوفقك يارب بدعيلك من قلبي
وسامحيني
|