السلآم عليكم
وعليكم السلام ورحمة الله وبركاته.
عندي سؤال او اسائلة بالاصح 
هههههه خذي راحتك واسالي اللي تبغيه
اولاً مدري ليه انجذبت لقسكم الجميل
الله يسعدك ومين اللي ماينجذب بالله؟؟
ثانيا قريت الموضوع سطر سطر حرف حرف مالقيت جواب لسوالي او اني مفهيه عاد الله اعلم
احنا ممكن نكون اتكلمنا عن المواد بس ممكن مو هنا ف موضوع ثاني لكن مو مشكله والمعذره ع التقصير.
المهم
اخوي ذكرت ان عندكم عدة تخصصات لكن مافهمت طبيعة دراستها
ممكن تشرحلي شرح مبسط عن كل تخصص
haemtology \microbiology\biochemistry\immunology
\genetices
الهيماتولوجي:تتكلم عن كيف يتم انتاج خلايا الدم وايش طريقة عملها وفي الحالات المرضيه ايش اللي نشوفه تحت المايكروسكوب من خلايا الدم لها علاقة بالمرض يعني مثال اذا لقينا عنده شي اسمه بلاست وبكثره نعرف ان هوا عنده نوع من انواع اللوكيميا, واذا مثلا شفنا نوع من انواع الخلايا الطبيعيه بس عددها مره زايد نعرف ان عنده اصابه معينه,الهيماتولوجي الصراحه روعه.
المايكرو:هذي ماده برضروا حلوه مره بس فيها حفظ كثير وهذي تهتم بكل المايكروبات اللي تسبب امراض في الانسان زي مثلا الفطريات والفايروسات والبكتيريا طبعا.
ندرسها من ناحية التشخيص ف اللاب وايش تركيبها وايش تسوي والعلاج المناسب لاننا بعد مانتعرف ع المايكروب لازم نسوي له شي اسمه سينستفتي تستنج علشان نشوف نوع العلاج هذا فعال مع المايكروب هذا ولا لا.
عموما ماده حلوه وممتعه جدا ومافيها تعقيد كثير لانها حفظ تعتبر وشوية فهم.
البياوكمستري:هذي تعتبر ام العلوم الصراحه وتهتم بدراسة كل شي يصير داخل جسمك هرومانت وانزيمات وبروتينات ودهون تدرس كيف الطريقه اللي يسوي فيها عمليات الايض وكيف راح ننتج طاقه وكيف راح يستفيد منها الجسم وايش راح يفرز ومن ايش بيتخلص واشياء كثير.
الصراحه الماده هذي اذا فهمتيها مررررررررررره تستمتعي فيها لان اغلبها فهم وماده ممتعه الصراحه.
الاميون: ماده حلوه وسهله بكل بساطه تتكلم عن الجهاز المناعي ف جسمنا يعني مثلا اذا تعرضنا لبكتيريا او فايروس او فطريات او اي جسم غريب ايش راح يصير من اول مايدخل الجسم الغريب هذا الا ما نتخلص منه وايش الخلايا المسؤله وايش دورها وكذا يعني
ماده حلوه وسهله وممتعه كمان.
الجيناتك: اووووووووه الماده هذي حلوه وع قول دكتور مصري عندنا كان يقول الشغلانه دي فيها فلووووووووووووس هههههههه
ماده حلوه وحقت فهم والاشياء اللي قلتي عليها ممكن تسويها ف الابحاث الصراحه لاني ماعرف ايش هوا ال csi مادري عنه لكن مجالات الابحاث والشغلات هذي مره تنفع الجيناتك معاها.
بعد الكيمياء السريرة اي وحده منهم خخخخ صراحة المسميات متشبه جدا
الكيمياء السريريه نفس البايوكمستري بس ف الدراسه راح ندرس حالات مرضية اكثر ف الكلينيكال وايش العلاقه بينها وبين البايوكمستري.
ايه اخرر سؤال جيناتك باختصار هل هي مثل الي نشوفها بفلم csiان صح التعبير@!!<<براا
تحلليل دي ان اي واكشن وحركات او بس دراسة وبالنهاية مالهم مستقبل بالسعودية؟ <<خيال واسع
ايوه في دي ان اي واكشن انا ان شاء الله بحث التخرج حقي اللي شغال فيه اللحين في تحليل دي ان اي لمرض معين وايش الاسباب طبعا عل الجيناتك لفل وكذا يعني حمااااس ومستقبه مره حلو كمان.
ايش كمان<<تعصر مخها><
بختصار ابحث عن تخصص كميائي احيائي هع
<<هل هو مناسب هالتخصص او لا
بشكل عام تخصصات الكليه كلها حلوه الصراحه وبتسفيدي اذا دخلتي اي شي منها لانك انتي بتدرسي الاربع سنوات كل المواد والسنه الخامسه انتي تختاري ثلاث تخصصات تشتغليها لانك بتكوني موهله تشتغلي اي شي.
واخيرا الله يعطيكم الف عافيه يارب والمعذره على الاطالة ^^
يعافيك ربي واحنا تحت امركم.