[مصره على قراري]

قالت قصيدك ليل.. سـود ٍ معانيـه
رويانـة ٍ بالدمـع.. وامـدادهـا دم
إلى متى يـا شاعـر الهـم تخفيـه
وإلى متى.. تحني ضلوعك على هـم
قلت البكا.. صعب ٍ عليٌه وأنـا أبيـه
لا واهنـي اللـي بكـا ومـا تنـدم
لي عبرة ٍ يلعب بها الحـزن والتيـه
ولي صرخة ٍ.. وأتعبت أبا القى لها فم
لا ماكتبت الشعـر.. لحـد ٍ بسليـه
ولانيـب مـداح ٍ.. ولا أبـا أترنـم
احساس لا أبيعـه ولا نيـب شاريـه
مر ٍ يجـي شهـد ٍ ومـرات علقـم
إلى لمحتـي دم جوفـي.. افـخليـه
على الورق.. لاصار روحـك تألـم
قلت الشعر يوم أن لي.. راحة ٍ فيـه
وحزين أنـا.. ألا متـى.. الله يعلـم

مهندس الكلمه~ بدر بن عبد المحسن