[غيم تايه]

والله يا اختي المادة مره سهلة ،، ليه انتي متخوفه منها ،، ليه مهزوزه بهذا الشكل ..

اولا - اقرئي المادة لو مجرد قرائه ، وخلي معك مرسام ،، وخططي تحت كل شيء مهم .

ثانيا - فيه خلاصه في نهاية كل باب ،، اقرئيها واحفظيها ..

ثالثا - اجمعي اكبر قدر من الاسئلة ،، الموجودة في المنتدى ...

لما ترجعي تذاكريها مرة ثانيه أكيد المعلومات راح تثبت في راسك ومو شرط تذاكري كل المادة

لو تركزي فقط على اللي حددتيه واشترتي عليه ،، بعدها حلي الاسئلة ،، واذا كان السؤال من صح وخطا

وكان خطا عللي الخطا واعرفي الصحيح ،، بكذا تطلعي باكبر قدر من المعلومات ،، والاكيد الاسئلة تفيدك

لان نسبة 70% يجي منها في الاختبارات ،،

مادة الثقافة هي من اسهل المواد ،، اجل وشلون بتسوين في ثقافة 2 و3 و4 .. ارجوك رجاء خاص

تغيري من اسلوبك في المذاكرة ،،لازم تكوني نايمه وفايقه ،، ومركزة ،، وما فيها ازعاج ،،

ولما تمسكيها استرسلي فيها على طريقتك الخاصة ان كنتي من النوع اللي يرفع صوته ،، او من النوع اللي يحب يتحرك

او من اللي يذاكر وهو جالس ،، المهم تتهيئ نفسيا قبل كل شيء ،، واعرفي انك اقوى من مادة ،، وليست مادة اقوى منك

ولازم تكون عزيمتك تهد جبال ،، لازم يكون طموحك 100 % حتى تعوضي الاخفاق السابق ...

لا تحسبن المجد تمرا انت أكله ،،،، لن تبلغ المجد حتى تلعق الصبرا ...


موفقه يارب ..