[physics]

المشاركة الأصلية كتبت بواسطة الصوت الماسي بالنسبة للاخوان اللي بيدافعو عن المنسق .. اولا بتكلم عن موضوع انه بيعطينا وجه .. شوف حبيبي يوم تتكلم عن الرياضيات فانت بتتكلم عن مادة صعبة على مدار السنين نسبة النجاح فيها ضعيفة وهي مقبرة الجامعة .. وحتى لو جاك منسق ابن حلال نفس المنهج صعب ويعتبر عائق كبير لنا كمهندسين .. الا من رحم ربي اما في الفيزياء هذه المادة اقل سهولة من الرياضيات ونسبة النجاح في الاترام السابقة كانت عالية والمادة حلوة لكن دسمة شوية .. لكن يوم يجيك منسق مثل هذا يصعب لك الامور ويحارب المدرسين الخصوصين وعلى راسهم اشرف بركات على فكرة لو لا الله ثم اشرف بركات انا كنت الحين محول ادبي .. هو سبب دخولي الهندسة واتوقع كثير طلاب نفس حالتي .. هذا المنسق بيتحدى الطلاب في اسئلته .. انا اذكر يوم الاختبار الدوري الثاني جا الزهراني بيشرح لبرفيسور اجوبة بعض الاسئلة بعيني شفت البرقيسور كيف اتعجب واستغرب من هالاسئلة اللي كان مو هارف كيف حلها وهذا بروفيسور .. فما بالك احنا طلاب مستجدين في الكلية .. سواء اعطانا وجه او لا انا من جهتي ما يهمني راح اقول اللي في قلبي حتى لو ما كان معانا في المنتدى .. واللي رافع ضغطي انه شايف الطلاب كيف بيعانوا قداموا وهو مصر انه على صح .. وانه سوبر مان اللي راح ينقذ الشعب باسلوب جديد .. حبيبي مو انت اللي تجي فجاة وتغير نمط الدراسة والمذاكرة من يوم وليلة .. اذا كان عندك نظام الجامعة بكبره تعبان .. والمدارس عاد حدث ولا حرج .. شلون تبي تغير كل هذا الحين ؟! الموضوع وما فيه انه هالمنسق جديد وتوه ماخذ الدكتوراه وشايف نفسه بطل العالم في الفيزياء وما صدق على الله اخذ منصب مثل هالمنصب اللي هو عليه عشان يطلع حره في الطلاب .. ياخي انا سبب دخولي للهندسة اني احب الفيزيا والرياضيات .. لكن بعد هو كرهني في الفيزياء وخلاني اندم اشد الندم اني نزلتها هالسمستر .. وانصح اي واحد ما نزل الفيزيا لا ينزلها لين يجي غيره وانا اتمنى حقيقة انه ما يعطينا وجه على قولتكم لانه هذا ابو وجهين يجيك ويسوي هنا انه قلبو علينا ويبغى مصلحتنا فعلا اسوا شي ممكن تواجه في عملك او دراستك يوم يجيك سعودي مبتدا يكون رئيسك. لكن ما اقول الا الله يصبر الجميع .. وان شاء الله يشوف القصاص في اولاده مع العذر والسموحة

انا واحد من الناس اللي دافع على قولتك لكن عندي سؤال يسدح نفسه هنا ليش معرفك جديد ومشاركة وحدة وكليتك ارصاد ومتخرج وجي بس تدافع عن اشرف بركات وتسب الزهراني

الجواب اكيد انت اشرف باشا ومع اني ماني متاكد انك اشرف لكن باقول اتق الله في نفسك ورزقك بيجيك وين مارحت

وبعدين علي الزهراني اعرفه شخصيا واعرف علاقته مع الجميع وما يحتاج يجي واحد زيك ويقول عنه كلام ، انا متاكد انه متفاهم ودرسني كذا مادة واعرف مستواه وعقليته

واللي يدل ان كلامك غلط في غلط وانك ماقريت ردود الزهراني في موضوع ثاني وهنا انه الكل يطلع على الاسئلة وكلهم يعرفوا الاسئلة قبل الاختبار فكيف يجي على قولتك برفسور ومو مايعرف الاسئلة ، قالوا واش دراك انها كذبة قال من كبرها