بنات جيل دحين ما صارو يقتنعو بنفس نصايح زمان مثلا تقلهم انتبهي تتكلمي اولاد تراهم زي الذئاب وطرق اخرى من التخويف والتهديد , بنات واولاد دحبن صارو ياخدو موضوع التعارف من منطلق صداقة وعلى قولهم لا يروح تفكيركم بعيد انو مثلا ممكن ياخدني شقة ,اذا صارو مجموعات بنات وولاد بيخرجو مع بعض ويتقابلو في كافيهات ومطاعم كل وحدة مع البوي فرند تبعها
اللي لازم نتعلمه ايش الطرق والنصائح المناسبة لهذا الجيل اللي تقنع الفتاة و الشاب انو ما يسلك هادا الطريق ؟
لسة قبل فترة كنت وانا مدوامة في المستشفى جالسة وكانو في مجموعة بنات ومعاهم دكتورة كبيرة في السن وبيتناقشو عن الحب فالدكتورة بتهدي وحدة انفصلت عن حبيبها شئ زي كدا فتقول هادا سنكم اذا ما عشتو الحب متى تعيشو
من جد للاسف هادي ام ودكتورة تنصح كدا صح الواحد من حقه انو يحب بس يحب صح
لكن ما نقول اللهم يا مثبت القلوب ثبت قلبنا عبى دينك ولا تفتنا يارب