[سطام]

هلا والله
اول شي استعيني بالله عز وجل
والمسأله بسيطه جدا واختصارها ان الوضع مايحتاج نصعبه على انفسنا يعني ناخذها حبه حبه وان شاء الله تجي معاك
لاحظي الاطفال متى يبدون ينطقون الالفاظ صح بعد ثلاث سنوات على اقل تقدير وهم في نفس الوقت مايعطون اهتمام لحفظ ونطق الكلمات والجمل زي ما حنا قاعدين نسوي ونحفظ ونذاكر
واذ عني انا جالس اعك في هاللغه سنتين قبل الجامعه وسنتين ونص الحين في الجامعه وكل مره احس اني مو فاهم شي
لكن حطيت في نفسي هدف اللغة ولو اجلس العمر كله ماراح اسيبها حتى لو تخرجت من الجامعه وانا ماني فاهم شي
وفي النهايه بس اطلعي على سير العظماء وكيف انهم حققوا شي من لاشيء وكل هذا بفضل الله ثم العزيمه وعدم الياس
اصحك تلتفتين لشيء اسمه اليأس واصلي طريقك دامك على مشارف النهايه وحاولي تروحين معهد للغة الانجليزيه عشان تعودين نفسك على المحادثه لاني اعرف مدرسين لغة انجليزيه وهم على راس العمل يدرسون ويطورون لغتهم بالمعاهد
واذا بتعرفين قصتي
انا موظف وراتبي ولله الحمد عالي وشهادتي جامعيه من غير ها التخصص ومجال عملي ما يحتاج للغة او يعني بشكل اصح حياتي ماشيه ولله الحمد من غير لغه ولا هم يحزنون وفي يوم من الايام حصل لي موقف في احد المستشفيات مع احد الدكاتره وحضر شخص يترجم بيني انا والدكتور الشخص هذا والله اني اول ماشفته استحقرته نظرا لهيئته وشكله وملبسه القذر وحسيت اني لاشيء بدون لغة طبعا هذا الشخص كان مجرد انسان يراجع في المستشفى وكان حضوره عندي انا والدكتور بمحض الصدفه وبعد ماقام يترجم بيني انا والدكتور كبر في عيني وبعدها تأكدت ان العلم يرفع الانسان وصممت اني اجيب هاللغة بعد توفيق الله ومن شافني سواء من الاهل او الاصدقاء يقول وش تبغى في هاللغة وفي الدراسه مانت في حاجتها ومشغل نفسك ليش ومن هالكلام وهذا الكلام تقريبا من اربع سنوات والى الحين
وان لازلت مصر على اللي في بالي واقول في نفسي على اقل تقدير يكفي اني مشغل نفسي في شي يفيديني ومن المفارقات العجيبه اني بعد ما قمت اتعلم اللغه الانجليزيه صرت اقدر اسافر اي دوله غير عربيه عكس اصدقائي اللي انا احب اسافر معاهم واللي حدهم دول الجوار ومسوين لي زحمة ويقولون لي وش تبي في ها اللغة عموما المسأله ترجع للعزيمه والاصرار وتحقيق الذات