((اغفر لي الزله )) ~ البدر
~((اغفر لي الزله ))~
أبيك في كلمةٍ لو هي خطا تغفر لي الزله
وردتك ظاميٍ وان عز وصلك بااقطع حبالي
أحبك ذا ترى أول كلامي .. وآخره كله
ولكن وش يضر اليوم لو تدري عن احوالي
وخذ ما جاز لك من هالحكي واللي تبي خله
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقدر تطوي الدرب البعيد وتقدر تفّله
ولكن صعب تمنع في الهوى صبري وترحالي
وتقدر تغمد السيف الرهيف وتقدر تسلّه
ولكن عند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعزك في الهوى ما تقدر تذله
ترى قربك يزيدك بالغلا وان عفتني غالي
لمهندس الكلمه ~ بدر بن عبد المحسن ..
/
من اروع قصائد ~ البدر~
اتمنى تنال على استحسانكم
..
كانت هنا .. فتاة توصف دوماً
بأنها من هذا الزمان وليست له :)
2009-2012
قضيتها .. كتب ، دورات ، مناوشات وشوية شقاوه ، تدوين ، مواضيع ،كلجات ههه ، دعوات لناس مايربطني فيهم الا معرف ..منتدى
سامحوني .. فلي قلب ان وقع فالزلل
يثور به ضمير .. اهوج لا يجعله يبات لياليه
اخر ما اود ان اتركه لكم هنا ،.!
اعفوا .. اصفحوا .. تعاملوا بنقاء ♡
واعدكم .. ان يكون لكم من سجودي نصيب
سبحانك اللهم وبحمدك اشهد ان لا إله الا انت استغفرك اواتوب إليك
♡♡♡
♡♡
♡
|
|