[مشعل العجمي]

اولا هارد لك وإن شاء الله تتعوض في الجولات القادمه . والفرق الحين خمس نقاط مو كثير مره ممكن التعويض , بس يا اخوان والله الهزيمه كانت متوقعه , والهلال من بداية الموسم وهو يعاني , وكذا مباراة مشت معه بالحظ والا المفروض
يكون بعيد عن المنافسة ,وتتذكرون مباراة الاتفاق ومباراة التعاون ومباراة نجران , كلها كانت بالحظ ,
اغلب جماهير الهلال تطالب بإقالة المدرب والله لو تجيب مورينهو ماراح يغير شي
عبدالرحمن بن مساعد قالب النادي شركة خاصة وجالس يسوي بزنس
والله ماهمه الفريق يفوز ولا يخسر كل همه هو كيف يجيب لاعبين اجانب يتكسب من بيع عقودهم او اعارتهم
الهلال الموسم الماضي كان عنده افضل محترفين اجانب وافضل محليين
ولو ترك الفريق زي ماهو مضمون يفوز بالدوري الموسم هذا
بس هو ماهمه كل تفكيره كيف يتكسب من العقود
راااادوي , ولهامسون, ياسر,خالد عزيز,الجيزاني, احمد حق الفتح,.........الخ
عبدالرحمن بن مساعد شغال بيع وشرا في الاعبين
ومع ابناء النادي ما يدفع ولا يبي يجدد عقودهم
الشلهوب ماكان يبي يوقع معه الا بالقوة تبرع واحد من اعضاء الشرف وجدد معه
ياسر استغنى عنه ويتربح من اعارته للعين
الفريدي ولحد الآن بيدخل فترة السته شهور ماجدد معه واحتمال يرحل لأن عبدالرحمن بن مساعد ما يحب يدفع بس يتكسب من النادي
كان الهلال من اقوي دكات الاحتياط الموسم هذا مافي احد كلهم اعارهم
مشتري عقد سعد الحارثي المنتهي ,,,, ليش بالله لو فيه خير النصر بيتركه
بس عشان يأهله 6شهور ويتربح من اعارته لأحد الانديه الصغيرة
طيب على هالتفكير النادي خلاص تفرغ من الاعبين
الهلال يعاني الموسم هذا
طيب لو استمر هالتفكير الى الموسم الجاي وش بيصير

تعبت من الكلام
تحياتي