.
,
بين رغباتي وخوفي والظروف اللي احتوتني
اعتزمت اكتب لشخصك مايؤكد لك غلاك
يكفي أني يوم جيتك ماسوى قلبك حضني
ويكفي أني يوم حزني مامسح دمعي سواك
يابعد أهلي وناسي يابعد همي وحزني
ويابعد إحساس صادق خانني لحظة لقاك
ياصديق في زمان لهجته لهجة تجني
وياأصيل بين ناس طبعهم حب الهلاك
إنت أسطورة زمانك مامثل شخصك جذبني
الكلام لسان طاهر والوجه صورة مــلاك
كل أوصافك خيال لكن أجمل مافتني
لازعل مني غرورك يبتسم لاجلي حياك
كيف أجلــس في مكان كل ما أجلس حضرني
صورتك وانته بقربي وضحكـــتك وانته هناك
كيف أكمل في بعادك والحزن بعدك غمرني
كيف أحيا في غيابك وانا أتنفس هواك
صورة من واقع حياتي لو رحلت اليوم عني
ينقطع تيار فرحي وتحجب دموعي سماك
انفجرت وباح سري وقلت للعالم بأني
افتخر لاصرت مثلك واعظم اطباعي معاك
أنا عندي ياحياتي راحتك فوق التمني
وأنت عندي كل روحي ومالها معنى بلاك
أرجع أشكر كل لحظة صادقة فيك اجمعتني
وأنا يكفيني بأني عشتها فترة معـاك
.