استاذة آلاء مرره طييبة كــ اخلاق
مرة تراعي البنات بشكل لايتصور فالدرجات
بالنسبة للشرح هي مو أفضل وحده .. لكن تحااول توصلك المعلومة بكل وسيلة طبعا تتكلم فرنسي وانجلش فلا تقلقي في البداية طبيعي اي لغة في البداية تستنكريها بعدين تتعوودي
أصلا المادة تافهه كلها مباديء حروف - ارقام - ايام الاسبوع - الشهور - كيف تقرأي الساعة مثلا اتنين وربع ... كلو أشياء سهلة أفهمي وبعدها أحفظي زي اسمك وبإذن الله a+
بس أهمم شي أحترمييها .. إيوا احترميها زي ماكتبت ..
لان كان في شعبة البنات يتساهلوا ويكلموا جوالات ويكلموا بعض
تحسي مو معبرينها فمرره زعلت منهم اتجني الكلام وعدم الانتباه
والله يوفقك
|
الحمدلله ريحتيني الله يسعدك دنيا واخره ويريح قلبك يارب
الحمدلله اعرف الارقام والحروف وايام الاسبوع والشهور الساعه لا صراحه << الله يخلي جارتنا المغربية
بالنسبة للاحترام اكيد ان شالله انا اصلا من الناس اللي اتنرفز لما اتنين يتكلمو يشتتوني
ويعصبوني واخاف الاستازه تقلب عالكل بسبب اتنين مهملين بس ان شالله مايكون معايا اطفال يسوو دي الحركات
ماحب الاستازه المتساهلة مرا لدا السبب
كترت هرج
شكرا ^_^