[نــورهـ]

المشاركة الأصلية كتبت بواسطة shahoooda شكرا لك اختي د. نورة قبل ما اقولك ايش المواد انا عندي سؤال محيرني مررررة لاني للاسفانظلمت كتير في الجامعة دي .. واخر شي سرلي انو في مادة اخذتها الترم اللي فات نزلتلي المعدل لان الدكتورة ما رضيت تزيدني درجة وحدة بس . والله بس درجة وحدة كنت محتاجتها ... ودحين انا اخذت 18 ساعة عشاناضغط على نفسي واحاول احول ان شاء الله لكن اتفاجات لمن جربت خانة احسب معدلك تجريبيا انو الشي دا ما حينفع زي ما حسبت .. انا ما اعرف كيف المعدل ينحسب المواد اللي ب 3 ساعات تزيد 7 وحدات لكن في مواد لمن حسبتها طلعت بس زادتلي 5 وحدات وانا خلااااص منهارة الصراحة مني عارفة ايش اعمل اتخلى عن الفكرة ولا اتوكل على الله واخذها وامشي في الطريق وادعي ربنا انهم يقبلوني حتى لو ما وصل معدلي بالزبط 4.50 المواد هي ( لغة عربية 2 - قران - بيئة وصحة - نظم بيئية - ثقافة 2 - احياء عامة 2 ) ساعديني .. ابغا رايك ومشورتك

- أهلا شهودهـ المعذرهـ تأخرت عليكِ في الرد ،،

- أولا ~ لازم تعرفي ان كل المكتوب لكِ و إلي حصل لكِ من هدايا الله و عطاياهـ يعني حتى لو حصل أمر احنا ما نحبه لكن هذا هو الخير و الافضل لنا لان الله سبحانه و تعالى ما قدر لنا الا كل خير ، و تذكري "و عسى أن تكرهوا شيئًا و هو خير لكم و عسى أن تحبوا شيئًا و هو شر لكم " ، ادخلي إلى نفسك الطمأنينة و الراحة و ثقي بالله سبحانه حتى تقدري تنتجي و تستمري و تبدعي بإذن الله ،،

- ثانيًا ~ المعدل يرتفع و ينخفض على حسب الدرجة يعني انتِ كم درجتك و على أساسها بيرتفع أو ينخفض ،،

- ثالثًا ~ موادك عربي و ثقافة و قرآن هذي ان شاء الله تضمني فيها الامتياز المرتفع ، الاحياء و النظم و البيئة ان شاء الله امتياز مرتفع و حاولي بصفه عامة لا تقل درجاتك عن 90 و في أسواء الظروف 85 حتى ما يتأثر معدلك ،،

- رابعًا~ لا تيأسي و لا تتحطمي شدي حيلك و تقدري تجيبي خمسه من خمسه و بإذن الله تحولي للتخصص المطلوب ،،

- سؤالي لكِ ايش ناوية تحولي لان لو تخصص في العلوم ما يحتاج توصلي 4.50 يقبلوا أقل من كذا + هل انتِ قصدك تسئليني تأخذي فرنسي أو لا ؟؟ طيب لو أضفتي الفرنسي كم يوصل المعدل جربي من حساب المعدل تجريبيًا و شوفي كيف ،،

- اسـأل الله لكِ التوفيق و نجاح يتبعه فلاح ،،