[girl.k.s.a]

http://www.youtube.com/watch?NR=1&fe...&v=tH1n3MmPcrI


^



الحمد لله قلبي محسن النيه
دايم وأنا اعطي و لافكرت في ذاتي
أعامل الناس بإخلاص ومثاليه
ياكثر ما أكتم عن المخلوق مشكاتي



ومن شافني قال ياسعده ويا هنيه
ماهو بداري عن همومي وآهاتي
أشوم نفسي عن الهفوات والسيه
وأرفع عيوبي و أحاول أجمع شتاتي



و أحاسب النفس بالروحه وبالجيه
أخشى هوى النفس يلحقها ملاماتي
وإن شفت ناس بنقل الهرج مبليه
حمدت ربي على نعمة معافاتي



وليا طلبني رفيقي وانتخا فيه
جيته من أقصاي أطوي له مسافاتي
وإن ضاق صدري وزادت في الحشا كيه
سألت ربي يخفف من معاناتي



والنفس بالكون مأمورهـ ومنهيه
ولابد ما قدّر الرحمن ما يآتي
ويالله يا عالم باللي قسم ليه
تغفر ذنوبي وتجبر كل عثراتي

( الحمد لله )