[عضوة جديدة]

مشكورين جميييييييييييييييييييييييييييييييييييييييييييييييي ييع على الاجابة

يعطيكم الله الاجر والعافيه يااااااارب ويوفقكم بالي يرضيكم يارب

ملوحظات لاخي غيم تايه :

اولا- انا ماكنت اتابع الامور في المنتدى لظروف منعتني وماعرفت عن الاستاذه مريم الا بعد اضافتي للماده يعني بالنسبه لك شي قديم بالنسبة لي شي جديد فما يؤخذ عليا هالشي لعدم علمي

تانيا- قلت دامها عواطف وانا لسه ما ادري شي عن اسلوب عواطف وقتها قلت لنفسي لو شربت الكتاب شرب ماحخاف من اي اسئله حتحطها وقدر الله اني امرض وما احضر والي حظروا كتبوا بالمنتدى وصلي الخبر ان اسلئتها فيها وفيها

ولما دخلت مادة منيرة وكنت واثقه من مذاكرتي وشفت التحطيم منها فخلاني اتخوف من عواطف

وحكايه اني ازبط الاستاذه وووو صراحه ما احب الحركات دي ولا اعرف لها وكمان قدر الله ماحضرت محاضراتها عشان افهم لها لاني فتره الاختبارات كلها كنت اصلا مريضه كتر خيري اني ذاكرت مادتين وحضرتها رغم مرضي وغبت عن 2 وقدمت اعذار

وتالت شي زي ما قلت كانت ظروف مانعتني ادخل المنتدى فكيفك حأشوف الاسئله وكمان الشي الي يخليني ما اشوفها لاني اذاكر كل الفقرات بالكتاب فمايحتاج ادور اسئله

ولو ماحضرت المادة للعلم ترى مايحطوني راسبه لاني جربت قبل كدا مارسبوني بس تنزل للترم الي بعده

واليوم :
خلاص فتحت محاضرات عواطف لقيتها ودونت بعض الاشيا ولقيت ان تلخيصي ماشا الله تبارك الله باذن الله فيه الي ان شا الله يلم بالمنهج كلو مع انها كانت اصلا محاضراتها كانت مادة مطالعه مو مادة علوم قران تقرا الكتاب كلو دون اي شرح والله قرأته زي ماهوه ساعه كامله ضيعت وقتي فيها عالمطالعه حقتها وكمان تخطي بالقرائه الله المستعان

المفاجاه هيه كيف حتكون الاسئله عاد اخبركم ان شالله ...ان الله اراد احضر بعافيتي واقولكم باذن الله

الي حأعملوا حاذاكر من تلخيصي بس وباحصر الادلة لوحدها لانها طالبت ادلة في فقرات معينه وان شا الله اكون مبسوطة من الاختبار باذن الله

واختي الي قالت ان الاسئله موحده فعلا اتوقع كدا لان كل الطالبات في قاعه وحده يعني ان الاسئله اتوقعها من كل المعلمات مش وحده والا كان وزعونا على قاعات كل مجموعه حسب الاستاذه

واشكركم على سعه صدوركم وحسن تعاونكم