حجزززز :))
1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –
اولا بسم الله
ثانيا انا لمن دخلت الجامعه عن جد جاني مغص ف البطن
وو من الكلام اللي اسمعو انو السنة التحضيرية صعبه وكدا
ف انا دحييين مررررررا شايفة السنة التحضيرية او بالأصح الترم اللي عدّى،، من امتع سنوات حياتي 
عنجددد الجامعه ممتعة 
حبيت الجامعه من السنة التحضيري
ووكمانا ايش اللي حببني فيها اكتر ؟؟
انوو قدامك فرصة انك تعرف ايش تبى تتخصص وو يمديك تستفسر وتغير رأيك وكدا 
يعني انا كنت حاطة ف بالي ادخل طب مثلا ف لمن دخلت السنة التحضيري غيرت رأيي
مو من ناحية الدرجات الحمدلله درجاتي كويسة
بس من ناحية الميول
ف الجامعه تكتشف ذاتك اكتر وتعرف انت ايش تحب اكتر
شيء جميل صدقوني
لا تسمعوا كلام اللي يقولكم صعبه ولا يبالها مزاكرة اول باول مرررا لا
يعني هي يبالها شدة حيل شوي
بس ك مزاكرة اول بأول ما اأيدها عشان بتخليك تطفشش
ف زاكر كل نهاية اسبوع
او حلو التمارين ،، هذي المزاكرة بالنسبالي :))
2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
ممممم انا ما
كانت الدراسة ف عزوز من الخطط اللي ف راسي
بس الحمدلله دخلناها وانبسطنا فيها
3- هل كنت محدد ميولك وتخصصك قبل ان تبدآ بمشروع التحضيريه ؟
ايوا كنت محددتوا وبعدين غيرتوا الحمدلله اني غيرتوا ارتحت
4- رآيك الصريح ف .. / تعاون دكاترة القسم / سهولة المواد / .. "
تعاون مممم بعضهم مو كلهم
سهولة المواد >> يعتمد ع الطالب نفسو وو قدرتوا ع الحفظ او قدرتوا ع الفهم
في ناس. - زيي- قدرتهم ع الفهم عالية ولله الحمد اما من ناحية الحفظ ف معدوم حبتين ف دولا يمشوا ف الماث والفيزكس والاحصا
وفي ناس حفيظة اسم الله عليهم ف دولا يقدروا يمشوا ف احياء والكيمياء وكد
5- دوام التحضيري .. كيف تشوفه ؟ ضغط أو بالنسبة لك أريح ؟
انا لمن كان عندي انجلششش دماااار الدوام
يعني 3 ساعات انجلش؟؟ والله مررا كتير وصداع
ووخاصة لمن كنت مستوى اول كاان شيء فظيييع
يعني فوق انها معلومات قديمة الدوام طويل
بس. ليفل فور ينبلع شوي ،، ممتع كان من جدد
بس بدووون الانجلش ونسسس تحسي فاضية تسوي كل شيء
6- الاختبارات الدوريه و النهائية .. كيف تشوف مستوى اسئلتهـا ؟
الدوري الاول دايم سهل ووالنهائي متوسط اما التاني صعب حبتين هع
7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
مدري
8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
الحمدلله معدلي جميل وفرحانتله ،، يارب الترم الثاني بيكون احسن
9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟
لالا مفيدة هي الأساس ،،
10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟
اضافة لي خبرة وو قوة ثقتي بنفسي و عرفت كيف اخذ حقي و احس اني قدرت اثبت ذاتي اكترر
وو رغم الضغط الحبتين اللي كنت فيه بس اشوف اني كنت فاااضية
حضرت دورات هنا وهنا وسجلت ف مركز الموهوبات
يعني شيء جميل الحمدلله :63:
11- تكلم عن كل مآده على حدده - بالتفصيل - ؟
الماث : جميل كدراسة عنجدد شيء حلو ، بس كاختبار (/:&/(&:(/$ >> مشفر هع
الفيزياء مرررررررررررا ممتع وحبيتوا حقيقي وعنجد شيء رائع اضمنوا درجاتكم فيه
الاتصال مررررا بسسسسسسطة ويحمس واي خدمة وسسسسسسهل الاختبار سواء دوري ولا نهائي دخلتوا قراءة هخخخخخ والحمدلله جبت درجة كويسة
الحاسسسسسب يجييب النوووووووم ملل المحاضرة بشكل بطااااااااال بس هي سهلة هع
الكيمياء مرررا حلوووووو اذا انت متاسس كويس ف الثنوي بتمشي زي الموية
الاحصصاء وناسة
الاحياء نووووووم ومللل ويبالو مزاكرة وقراية دايما
11- نصيحة .. ممكن تقدمها للطلاب المستجدين في التحضيري .. ؟
انبسسسسسسسسسسطوا السنة التحضيرية
رغم انها كررررف بس والله ممتعة ،، راح تفتقدوووها حقيقي
استغلوا كل ثانية فيها وسطلوا وهبقوا ودجوا وفلوا اوومها
سنة مارح تتكرر ف حياتكم صدقووووووووني
اااه ليتني ادرس تحضيري باقي عمري ههههههه