[قلب ينبض لله ~]

^
عندي لكِ نصيحه بسيطة : )
لا تفكّري تحوّلي للحاسب وإنتِ ماعندك ميول له أو حب أو حتى تتقبلي طبيعة دراسته ..
لأن دراسة الحاسب مو زي ما الكل يتوقع ( مسن وشات ومواقع وفوتوشوب ) لا ..
الدراسة متعمّقه ..
وأعرف كم وحده دخلوا الحاسب بس عشانه تخصص مرغوب
واللحين يفكروا بالتحويل منه
لأنهم اكتشفوا انهم مايمشوا فيه وصعب عليهم ولا يتقبلوا طبيعة الدراسة ..
ممكن إنتِ ماتكوني تعرفي كثير بالحاسب لكن تتقبّليه وتحبيه وعندك رغبة تتعلمين ..
هنا ماعندك مشكلة حوّلي ومن خلال دراستك رآح تعرفين الكثير ^^
هذا اللّي قصدته ويارب يكون وضح لكِ : ) ..

...

وبالنسبة لكليّتنا أول ماتدخليها تدرسي ترم مواد عامه من الكلية
( برمجه 1 - مقدمة حوسبة - اساليب الكتابة العلمية - نظرية الاحتمالات )
بعد هذا الترم تتخصصي ( CS or IT or IS )

وطبيعة الدراسة ما اقدر أفيدك فيها كثير لأن دوبي مستجدة
لكن اللّي أعرفه إن أغلب مواد الحاسب إذا مو كلها لها لابّات ..
يعني المادة لها محاضره ولها كمان معمل .. برنامج نشتغل عليه ..
وبالنسبة للضغط ..
ما أكذب عليكِ الدراسة فيها ضغط ومشاريع وواجبات وكويزات
واتوقع أي تخصص يكون فيه ضغط اذا الواحد ما رتّب نفسه أول بأول ..

و مجالات التوظيف كثيرة جدًا
بالذات لتخصصات الحاسب -من وجهه نظري-
لأنه يرتبط بكل شيء وأغلب القطاعات ماتخلوا من خريجين الحاسب ^^

وقبل كل شيء إسخيري ثم إستشيري والله ييسّر لكِ الخير =)