[أم يزن]

صباح الخير اخواتي
نفسي اعرف احنا ليش يعاملونا كذا كأننا نشحت منهم احنا قاعدين ندرس بفلوسنا وغير كذا 3 اسابيع دراسه بي وجالسين نضغط على انفسنا بالمذاكره وكمان طالعين لنا بحكاية السنترا اللي انا شخصيا ماناسبتني خصوصا بمواد زي مباديء اقتصاد جزئي ومباديء محاسبه وغيرها من المواد اللي يحتاج لها فهم وتركيز ومراجعه من قبل الاستاذه او الدكتوره
وربي مرمطونا وذلونا الين متى هالحال طبعا يوم السبت اللي هو امس 10/4 كان عندي اختبار بديل بمبنى 420 ومن الطبيعي راح ادخل من البوابه اللي عنده اللي هي البوابه شماليه 2 على مااعتقد زي مادخلت منها يوم 5/4 لاكن اللي صار انهم رفضوا وقالوا لي روحي من الشماليه 1 وطبعا مشواااار قلت لهم اختباري هنا قالوا لا والحمد لله ان الوالد مامشي ورجعت ودخلت من البوابه الثانيه والله ماوصلت القاعه الا وانا خلااااص منتهيه حسبي الله عليهم
غير كذا بوقت الاختبار طلبنا الاستاذه قالوا ماراح تجي طيب نسأل مين قالوا احنا ماعندنا خبره بالماده ايش الحل يعني ؟ نشرب خل مثلا؟؟
لا وكمان فيه وحده الله يهديها من المراقبات تتكلم مع البنات بصوت عالي والله ماقدرت اركز بالحل من صوتها ليش هالتعامل مع الطالبات ؟
معليش طولت عليكم بس من جد مقهووووووره واللي قاهرني اكثر انه مافي مسؤوله او مسؤول نلجأ لهم عشان يشوفوا مشاكلنا ويحاولوا يحلونها
حبيباتي بنات الانتساب اللي صار معاها مشكله بالجامعه او شي حست بظلم فيه لاتتردد بالكتابه يمكن نلاقي عيال حلال يساعدونا
يارب انك توفقنا وتسهل امورنا بهالجامعه ونتخرج ونتوظف ونريح اهالينا اللي تعبوا معانا