رد: آبغى كل حآجة عن قسم التصميم الداخلي بليييييييييز
وعليكم السلام
مع اني سنه تحضيرية لسى لكن اعرف بعض الأشياء عن هاذا القسم من كثر ما سألت وقريت عنه
اول شي هو زي ما قلتي السليمانيه علمي والرحاب علمي و أدبي
ايش الفرق ؟ الفرق انو الي في السليمانيه مسار في كلية الاقتصاد المنزلي والي في الرحاب قسم في كلية التصاميم و الفنون وغلى حسب كلامهم انو الي في الرحاب أفضل بس المشكلة الرحاب مو مجهزة زي السليمانيه
المعدل طالبين 3 تقريبا وهو في النهايه يعتمد على عدد المتقدمين عليها وعلى حسب القبول في الاختبار
الاختبار تختبري على نهاية الترم هاذا وانا الي شفته انو يحتاج تعرفي الاساسيات في التصميم الداخلي عشان تجتازيه شوفي فيه وحده كاتبه موضوع فيه الاسئله
الدراسة بالعربي والمواد كثيرة ما يمديني اكتبها هنا ،، ادخلي موقع الجامعة واختاري الكلية الاقتصاد المنزلي - الاقسام العلمية - اقسام المسار العلمي - مسار التصميم الداخلي - الخطه الدراسية - توصيف مواد القسم
وبس تلاقي كاتب لك كل المواد وعن ايش تتكلم
وبخصوص سؤالك الأخير / لا يهمك كلام الناس اذا انتي عاجبك ادخليه لأنك رح تبدعي فيه
ولا يهمك اذا يستاهل أو لا اهم شي تكوني تحبيه
ان شاء الله أكون جاوبت على كل تساؤلاتك
بالتوفيق
|