غيم تايه ..
حقيقةً أنت غيمت علينا بأخلاق العالية , وحب الخير والمساعدة لأخوانك وأخواتك الطلاب , عسى الله أن يجعل ذلك في موازين حسناتك ويوفقك في إنهاء مرحلة الماجستير .
واشكر الأخوة الزملاء (رحال , ابو هاني , أحمد التميمي ) على مشاركتهم ,وإضافة المعلومات , وعسى الله أن يسر لكم المستويات القليلة المتبقية من دراستكم ..
أسئلة آخر للأستاذ غيم تايه :
أنا اختبرت قدرات الجامعيين وأخذت درجة 71 وكفايات اللغة الأنجليزية 51
هذا افضل ما قمت به ،، ودرجاتك رائعة ،، الكفايات المطلوب ( 52 ) درجة لكن راح يعفونك من هذه الدرجة ..
ومعدلي ممتاز الحمدلله,السؤال هل فرصتي عالية في القبول في برامج الماجستير العامة وهل اذا قُبلت ستكون الوظيفة عائق ؟واذا كانت كذلك ما هي البرامج الخاصة المفيدة في نظرك ؟ وهل سيفتحون باب التقديم لدراسات العليا في فترة الصيف ؟
ان شاء الله فرصتك بتكون قوية في الحصول على القبول ، خصوصا وان درجاتك في الكفايات والقدرات رائعة ،، والقبول يكون على الدرجة الموزونة من القدرات والكفايات والمعدل ،، لكن
فيه امور اخرى تحكم الوضع ، كم المقاعد المطلوبة ؟ مستوى المتقدمين في العام اللي بتقدم فيه ؟
انت ما شاء خطيت الخطوات المبدئيه ولو حصل وصادف اختبار في الكفايات او القدرات ادخلها
لانك قد تحقق درجات افضل ، والله ييسر امرك ان شاء الله ، اهم شيء عندك العزيمة انك تكمل ..
في الصيف ما يفتح باب التقديم .. اما الوظيفة ففيها تفصيل .. ما ادري وظيفتك كيف .. لكن
افضل انك تدرس في البرامج العامة ،، اللي هي الرسالة لانها هي الأقوى والافضل عرفا وفي المجال الاكاديمي .. جهة عملك ،، قد تواجه فيها المشكلة اذا كانت تفرغ تام ،، وهو ما يسمى بالابتعاث الداخلي .. اما مسألة الدراسة المسائية وعملك في جدة ما راح تواجه اي مشكلة ،، حتى البرامج العامة راح توافق الجامعة بالموافقات المسائية ، بشرط ما يكتب الانتساب ، لان ما فيه في الماجستير انتساب
وفيه برامج صباحيه اي عامة ، لكن الدوام فيها لا يبدا الا الساعة الثالثة ظهرا .. والجامعة صارت تقبل بالموافقة المسائية وترك الاصرار على التفرغ ...
أما اذا ما كنت تعمل في جدة ، او اي مدينة يكون فيها قبولك هنا مشكلة يا اما انه يتم ابتعاثك او نقلك او ندبك للعمل في المنطقة الاخرى لمدة سنة ، وهكذا ..
معليش يا الغالي ثقلت دمي شوي ^_^ ..