[قصة غروب]

المشاركة الأصلية كتبت بواسطة sweet dreamz ^ الخيارين منفصله عن بعض تماما, بس بصراحة مافهمت ايش قصدك عشان اقدر اساعدك؟؟ المهم السلام عليكم ورحمة الله وبركاته :) وعليكم السلام ورحمة الله وبركاته. اخوي قصة غرووب جزااك الله مليوون تريليوون خخخير وكل احد جالس يساعدنا ويرد على استفسارتنا اللي ماتخلص هههههه جعله الله في موازين حسنااتكم ياااارب امين يارب وياك ربي يسعدك اختي هذا واجبنا واحنا هنا علشان نفيد ونستفيد. انا طبعي فضووليةة واحب اسأل كثيير عشان آخذ فكره اكبر مايمكن عن الشي اللي بواجهه وأتوقع اي كائن حي تحضيري حيسأل عالاقل جزء من اسئلتي ليستفيد فا عشان كذا اربط حزام الأمان واستعد للمعروض اللي حكتبه ههههههه ولايهمكم خذوا راحتكم احنا ان شاء الله ف الخدمه. يلا هاتي المعروض 1) كم النسبة الموزونة المطلوبة اللي وقفت عليها السنة اللي فاتت لدخول كليتكم الكريمةة ؟ وكم المعدل العام ؟ النسبه الموزونه والمعدل تختلف من سنه الى سنه وعلى حسب الدفعه يعني اذا الدفعه دوافير بتكون المعدلات المطلوبه والنسب الموزونه عاليه وخصوصا عند البنات ماشاء الله عليهم دوافير زياده لكن اظن السنه اللي راحت كان الموزون 91 او شي زي كذا والمعدل اظن ممكن 4ونص وممكن اذا احد متاكد يصحح لي اذا كنت مخطئ. 2) كم أقصى عدد ممكن للدفعة المقبوله تتوقع راح يقبلوا هذي السنةة ؟! البنات اظن ف المختبرات يقبلوا الى 30 لان دفعتنا كانت 38 بنات و38 اولاد 3) المواد تركز على الكيمياء اكثر او الاحياء اكثر ؟ بتدرسي مواد جديده منها له علاقه بالاحياء ومنها له علاقه بالكيمياء ومنها يعتبر ماده مستقله مالها علاقه بالاحياء والكيمياء لكنها مواااد ممتعه جدا وتبتعد احيان عن تعقيد الكيمياء والاحياء وتحتاج فهم وحفظ برضوا. 4) كم عدد ساعات دوامكم اثناء الدراسة في الـ 3 سنين الاولى؟ وهل نظام دراستكم سنوي كبقيةة الكليات الطبية أو اترام؟ وجدولكم ينزل جاهز أو انتم ترتبوه؟ ف السنه التحضيريه مايكون في ضغط لان عدد الساعات قليل والدوام يكون متوازن يعني. وبالنسبه للسنه الثانيه والثاليه انتي ممكن تشوفي الجداول حقتهم وتشوفيها والجداول موجوده ف موقع الكليه لكن عادة من 9 او من 8 الى 3 او 2 واحتمال الى 4 لكن مو دايم احيان بس. هذا ف سنه ثانيه وثالثه لكن ف رابع يختلف الوضع شوي وممكن تتاخروا علشان بتنشغلوا في التيتوريالات الكثيره وف اللابات اللي بتنزلونها ف المستشفى ومع بحث التخرج يعني ممكن تتاخروا شوي. ونظام الدراسه سنوي والجداول تنزل جاهزه ماتقدري تحذفي او تضيفي غير المواد العامه-ثقافه وعربي- 5) هل تؤثر حياة المختبرات على وضعنا كنساء أي في مواضيع الحمل وغيرها ؟ وبرأيك هل البنت تقدر توفق بين حياتها الدراسيه ودراستها في هذا التخصص أو حتى لو اتوظفت بعدين وحياتها الزوجيه اذا كانت متزوجةة ؟ بشكل عام اي تخصص طبي اذا ما التزمنا بوسائل الامان والسلامه ممكن نتاثر بغض النظر عن كونك مراه او رجل لكن اذا احنا اتبعنا الوسائل والتعليمات واشتغلنا بحرص ان شاء الله مايصير شي ولا بيجيكي شي يضرك ان شاء الله وربك الحافظ. والسوال الثاني الصراحه ماقدر افيدك فيه اتمنى احد من الطالبات تجي تفيدك لان هذا شي خاص فيكم. 6) لمن أتخرج وكنت ابغا اكمل الماجستير هل أستطيع أن اكملها مثلا بتخصص الكيمياء الحيوية في كلية العلوم؟ الحمدلله اللحين فتحوا ف كليتنا برنامج الماجستير لقسم تقنية المختبرات الطبية. يعني تقدري تكملي ان شاء الله ف كليتنا. 7) كم عدد ساعات العمل في المستشفى اذا توظفت بعد اخذي لشهادة البكالوريوس؟ على حسب المعامل او الوظيفه اللي تتوظفي فيها. يعني مثلا في معامل من 8 الى 3 الدوام وفي معامل تداومي 9 وتمشي 12 لكن هذا كله يعتمد عليكي انتي تقدري تخلصي الشغل وتنجزيه بسرعه ولا لا ويعتمد برضوا على المشرف ع اللاب اللي انتي فيه يعني يقدر يساعدك بالنسبه للمواعيد والدوام والاشياء هذي لكن بشكل عام اتوقع انهم متفهمين وضع البنات. 8) كيف مستقبل الوظائف فيها كـ بنت ؟ وكيف طبيعتها ؟ الحمدلله المستقل الوظيفي والفرص الوظيفيه زادت بعد مافتحوا العديد من المستشفيات ومراكز الابحاث والجامعات اذا كتي تبحثي عن مجال التدريس يعني الحمدلله الفرص ان شاء الله متوفره, اما للبنت او الولد والله مادري لكن الارزاق بيد الله لكن طالما انهم معهم نفس الشهاده في بعض الاحيان تكون فرصة الرجل اكثر من المرأه في بعض الاماكن والعكس للمرأه في بعض الاماكن برضوا. 9) هل ممكن انه يدرسونا رجال ؟ في بعض المواد علشان مافي دكتورات يدرسونكم يستعينوا بدكاتره من قسم الطلاب علشان يدرسونكم. 10) السؤال ماقبل الأخير هل يجب وضع منتدى خاص لدفعتنا للتواصل فيما بيننا ؟! حقيقه انا مادري عن الشي هذا لكن انك تحط اعلان لمنتدى هنا ف المنتدى هذا ممنوع لكن ممكن طلاب الدفعه يتفقوا فيما بينهم انهم يسوا لهم قروب او منتدى اظن هذا شي راجع لهم. 11) اذا حطيت كلية العلوم الطبية التطبيقية - تقنية مختبرات كرغبة ثانيه .. هل تؤثر في قبولي لكليتكم؟؟ هو اكيد بتاثر لكن اللي اعرفه انه على حسب درجاتكم ورغباتكم الجامعه تحاول بقد ماتقدر انهم تحطهم في رغباتهم والاول والاخير درجاتكم ومعدلكم هو اللي يحكم. وبس هذا كل شيءءءء جدا احتاج احد يجاوب على اسئلتي هذي وما ابغا اسئل ناس ماعندها سالفةة قلت اسأل مجرب احسن وآسسسسسفةة جداااا والله على الاطالةة, بس لأن التسكين بدأ خلاص وتعرف بدت الربشة معاها الله يسعدك اختي الله يوفقكم وييسرلكم اموركم ويكون ف عونكم يارب واي شي تحتاجونه ان شاء الله انا اوغيري من اعضاء كليتنا الافاضل مابيقصرون معكم. مع العلم اني اطلعت على الخطةة الدراسيةة حقت تخصص تقنية المختبرات وحسيت موادها تناسبني وحسيتها كمان ميولي عشان كذا زاد اعجابي بهذا التخصص وحبيت اسأل عنه :) وجزاك الله خخخير مقدما

اتمنى اني اكون افدتك
ربي يوفقك ويسعدك
تحياتي....