[Life as Game]

المشاركة الأصلية كتبت بواسطة فيصل شكراً لك أختي صوت الفجر .. أخي لايف , أسمح لي أن أستفتح هذا اللقاء بسؤالين بعد أذنك ..

خد راحتك ياخويه,.
اخبارك ايه من زمان عنك ,,

1 / كان لك هنا احتكاكات فكرية مع الكثير من أصحاب الرأي وأقصد هنا في قسم الساحة العامة , وبمعرفتك أين يتجه الحوار دائماً ..

يتجه مباشرة الى الشخصنة ..و ايضا محاولة إظهار القوة الفكرية والعلم لدى المتحدث ..واحيانا التصنع الواضح,,
لذلك دائما تجد خروج عن الموضوع من الردود الاولى .,
وعدم الاهتمام بالهدف الحقيقي من الحوار ..فضلا عن آدابه

ماهو الحل الأفضل والأولى لتخفيف الحدة في النقاش إلى تبادل الأراء والمعلومات فقط ؟

اممم خلينا نحللها صح ..
جبت واحد ما يعرف من اداب الحوار شي ..
والتاني زيو في الجهة المعاكسة,,
وكل اللي يعرفوه من الحوار هوا الوراثة من الشيبان في المجالس او حتى سوالف الشباب في جمعاتهم ,,
حتلاقي انو ابدا مافي شي يعلمك فن الحوار او حتى ادابه ,,
ولما تحطهم قدام بعض ما حتطلع بشي ..وحيبقى الحوار الى مالا نهاية لان كل واحد ما حيتنازل للحق .
وانتا ما حتقدر تخفف حدة النقاش بالقوة وتفرض حرية الرأي الاخر
فإدا كل واحد منهم ما علم نفسو بماهية الحوار ..ما حنقدر نسوي شي ..وشوف الدليل عندك تويتر ..
حتى كبار مثقفي السعودية والمطاوعة فشلونا قدام خلق الله .

هل من المفترض أن يكون هناك قانون يعاقب من يخالفه , أو وعي ينشر بين الأعضاء ؟

القانون ما يفيد ..وانتا شايف بعض الاعضاء تتوقف عضوياتهم ..ويرجعو تاني وتتوقف عضوياتهم ويرجعو تالت ..والى مالى نهاية ,,
الحل التوعية ..و انا ما حأقول عدم الرد عليهم ..لانهم بدون توجيه كمان حيضيعو..

2 / أنت من زوار قسم الوناسة ورواده كثيراً , تم إغلاق القسم ولا ادري هل تم إبلاغكم بهذا مسبقاً أو لا .. شعورك حيال ذلك ولماذا ؟

لا والله ما احد بلغني ولا حاجة ..ولا عرفت الا لما دخلتو مرة عشان اتصفح ومالقيتو ,,×(
والله بين مقهور وبين مبسوط ..
لانو في الفترة الاخيرة في ناس استغلت القسم و صار بعض عدم الاحترام وكترت فيها مخالفات القوانين ..
وانا من النوع اللي اكره مخالفة قوانين المنتدى مررررة واعصب كمان
ومقهور عالاعضاء والايام اللي عشناها ..سنتين والله مو شوية ×(
لكن السبب الرئيسي في تقفيل القسم والله ماني عارف ,,للأسف

حياك الله وكتر اسئلة مرة تانية