[دحـggم]

بما اني فاضي ورايق ودوبني صاحي من نومي المقلوب

فَ بقول لكم عن معاناتي اللي اعاني منها يومين ..

لـي يومين اروح الصبح وارجع الظهر من الجامعه وانا على الهواء الطبيعي < الطاقه

المكيف مجرّد اشغله ، تطلع ريحه مهي مضبوطه اببدن .. ريحة عفن < وانتم بككرامه

قلت يمكن اني اوسوس .. بجرّب اركّب واحد من العيال معاي ونشوف .. ركبته وليتني ما ركبته

قفلنا البيبان وشغّلت له المكيف على 3 ! <_< .. نزلنا جري من السياره

فَ استسلمت للواقع ، رحت وسألت والكل رمى لي فتوى من عنده .. اللي يقول فلتر هواء واللي يقول مروحه واللي يقول فريون !

واحد قال لي البطاريه تكون خربت وبدأت تطلع سائل الكبريت وهذي ريحته كذا ، و اليوم بعد الاختبار رجعت البيت وقيدني صرت دجاج شوّايه مع الشمس والهواء الطلق الجميل العليل ..

ألقيت نظره على البطاريه ولقيتها زي ما قال ! .. تسرب سائل واظنه هو ذا سبب الريحه

ما فيّا حيل لها اليـوم .. بكره اوديها اغيّر بطاريه ويا ويله يا سواد ليله اذا ما راحت الريحه