[يارب افرجها من عندك]

السلام عليكم ورحمة الله وبركاته

بنات الله يسعدكم اناكنت تاريخ وحولت هذا الترم علم اجتماع وماعندي اي خبرة عن التخصص والمواد والاساتذة

خلصت تحضيري السنة اللي قبل اللي فاتت
والسنة اللي فاتت اعتذرتها كلها على اساس ابغى ادخل علم اجتماع او نفس
ودخلوني تاريخ وقالولي لازم ترفعي معدلك
والترم الاول اخدت ثقافة وعربي وسيرة ومادة سهلة واترفع معدلي وحولوني علم اجتماع

وهذا الترم كنت حامل وعلى اساس ولادتي قبل الاختبارات بكم يوم او ايامها تقريبا وعلى اساس اعتذر بس قالولي حيطوى قيدك لازم تسددي وتاخدي دا الترم وعادي جيبيلنا تقرير انك في التاسع او دوبك والدة(لانه الحامل والوالدة عندها اجازوة 30 يوم) وحيقبلو عذري ويعملولي اختبارات بديلة واختبر المواد في بداية السنة الجديدة
وسددت الاسبوع اللي فاتت وطبعا ماحضرت لا سنترا ولاشي ولاشفت الجدول على اساس ماحختبر دحين

بس قدر الله لظروف وتقدمت ولادتي مررررة وولدت يوم السبت
راحت قريبتي كلمتهم قالولها انه ماحينقبل عذري لانه حكون مكملة اكثر من 30 يوم ولازم اختبر ولا حاخد f ولو قدمت اعتذار حيطوى قيدي

الله يخليكم ساعدوني ومالي الا الله ثم انتو
اول ترم في التخصص وما اعرف عن اي شي عن المواد والسنترا خلص
والحذف والاضافة قفل

اللي عنده فكرة عن هذه المواد وكيف دكاترتها
وايش الكتب المقررة او المنهج اللي حندرسو
واللي حضر سنترا فيها وفيها شي محذوف ا

الله يسعدكم يقولي والله اني في وضع مايعلم فيه الا ربنا

المواد : مدخل الى علم الاجتماع مع رينا الرحيلي
ثقافة 3 مع مريم السباعي
علم اجتماع السكان مع رقية فتيحي
علم الانسان العام مع نورة الجعيد
الرعاية والخدمة الاجتماعية مع نادية حجازي

اسفة طولت بالكلام ،، اتمنى تساعدوني