[مصره على قراري]

فهد يسولف علي الحين ويقول



اسمعي بقولك سالفه مره شت الكوره ورفعتها (سقاطيه) << مدري من وين جاب هالكلمه^^
وخليت عبادي يجيبها من برا وجاء عبادي مسكني مع فنيلتي حقت (مسي) ورفعني وقال ياويلك لو تشوتها برا مره ثانيه

وانا سحبت عليه << ونعم الاسلوب^^
ورفعتها سقاطيه برا خمس مرات
وهو بس ماعنده الا لا عاد تشوتها << الظاهر كان وده يتكفخ بس عبادي ماله خلق ذاك اليوم^^


وانتقل بقدرة قادر لسالفه ثانيه

انا رحت المستشفى واعطوني ابر في كل مكان ونمت بعدين قمت وماقدرت امشي مدري ليه

والدكتور حقي امجد مو امجد ولد جارنا الصغير لالاااااا
امجد كذا واحد كبير لابس ابيض ونظاره ويمشي زي المجانين<< حشه^^

ودايما معه عصير وما يعطيني الكلب << لحد يحذف الكلمه ترى بزر

.,~

وانتقل الى حواجبه

انا وين حواجبي..,؟

وبعد استخدام الجي بي اس حصلها^^

وقال حواجبي مو حلوه دايما تطلع تتمشى بشعري بدون سياره^^

وقلب على غيرها .,

ربي وين ..؟ ماما تقول عنده جنه

انا ابي فالجنه حاجتين

سوني وسياره كبيره

حقيقيه بس المشكله وين امشي فيها,,.؟!

وفهمته بطريقه مبسطه ان الجنه كبيره وتقدر تسوي كل شي فيها

وتكلم عن امي شوي وليش راحت جده وليش حطوها تحت التراب



^^

يابعد قلبي الله يجمعنا بأحبابنا بجناة النعيم