[صدق المشاعر]

ههههههههه حقيقة شكل أخوي أبو فيصل الشمري شعللها

لكن اسمحولي بهذا الطرح البسيط ... اللي في الحقيقة كان دائماً يجول بخاطري :

أولاً : عتب كبير جداً على الشؤون التعليمية بالكلية .. السبب : عدم كتابة محتويات المقرر الدراسي بشكل جيد للمادة المطلوبة مثل مادة إدارة العمليات والإنتاج يعني فحطنا ندور على محتويات المقرر الدراسي والكتب موجودة نبي نعرف وش المحذوف والمطلوب . وفي الأخير يجي الاختبار من اشياء ما هي موجودة محتويات المقرر الدراسي / مما يجعل الطلاب يبحثون عن المادة بشكل سهل وميسر ، وأخيراً يطبون في مثل مطبات المكتبات التي لا تقولون لي انها تهدف إلى إثراء الطالب بالفهم والمعرفة .. هذي كثرولي منها .
لكنهم لا يبحثون إلا على " اللي في جيبك ". هذا أولاً .

ثانياً : أيضاً عتب كبير ولكن ليس جداً . على الشؤون التعليمية أيضاً .. لأنه أحياناً بعض الكتب المقررة في بعض المواد ما تنقرى ولا تنفهم . مثل مادة السلوك الانساني .. الكتاب طباعته قديمة والحروف يالله الواحد يقراها .. يعني رحت فصلت لي نظارة بعد ما ختمت قراءة الكتاب .

ثالثاً : عتب على دكتور المادة . ما هو يعني الطالب ما اشترى الكتاب المقرر أو ما حضر الدورة التأهيلية يعني تحاربه لأن الكثير وانا منهم موظفين قطاع خاص وصعب أصك بـ 3 أشهر إجازة كل سنة لأجل الدراسة . وأخيراً يا دكتور تجيب 80% من الأسئلة خارج الملخصات "عمداً" . لا بد أن يكون تفكير الأنسان الأكاديمي أكبر بكثير من أن يرى بمنظار التحدي والمصلحة . خذ مثال عندك مادة إدارة الموارد البشرية . كل الأسئلة 4خيارات آخير ثنتين (كل ماسبق ، لا شيء مما سبق)

رابعاً : العتب علينا احنا الطلاب .. الشؤون التعليمية تقول الأسئلة من الكتاب وش يخليك تتفلسف وتجيب مذكرات .. خاصة من المكتبات التي لاتستند إلى الكتاب أو إلى محتويات المقرر الدراسي أصلا . وبعدين أشوف الأخوان : بدر ، والطالب المجد ، والاخت : ام عبد الله . مجتهدين في الدفاع عن المكتبة المشؤومة . خلو الطلاب يبدون رأيهم ووجهة نظرهم في هذي المكتبة . ويروون معاناتهم مثلي . والله اني مرة شفتهم يبيعون ملخص لهاني عرب رغم تحذير الأخ الغالي هاني عرب من بيعها أو الإتجار بها . ولكن لا حياة لمن تنادي .

خامساً : شكلي طولت عليكم وتبغون الفكة . لكن ما عندي شيء أقوله غير عسى الله يوفقكم ويسمح دروبكم ويبلغكم مرادكم . وتحياتي للجميع

aasaa5@hotmail.com