اهلين يا شباب واتمنى لكم إجازة سعيدة وملجلجة 
في البداية أتمنى أنكم تقفلون النت وتشوفون لكم أقرب بر ولا بحر وتكشتون وتعينون من الله خير<<<طيب كيف يردون على موضوعك خخخ
المهم انا باقي لي 15 ساعة باذن الله على التخرج وبدي شوركم وحسن رايكم
مواد رغما عن آنفي سآخذها:
Cs491<<<<ليش هذه مو اختيارية؟؟ خخ
cs456 طبعا عند فتحي البرعي وحالك طيب
cs435<<<موجود جبرائيل ومذكور اش رايكم؟
cs461<<<رضا سلامة و أمين نعمان اش رايكم؟
الاختيارية:
Cs483<<<كشكللي دكاترة باطرفي غزاوي الحداد شرف؟؟
cs454<<<عدالحميد رجب و فرج النجاحي؟؟
cs463<<<مذكووور؟؟
طبعا عطني رايك وما عليك آمر يالحبيب ولا تسلئني ما علاقة إسم الموضوع بالموضوع ذاته  
|
واضحة اللجلجة في الموضوع :
1) 435 مادة إختيارية .. ويدرسها جبرائيل و "مدكور" وليس "مذكور" .. عموما أنصحك بجبرائيل لانه يده فرطة في الدرجات .. ولا الإثنين ممتازين ..
2) 462 مش 61 .. كويس إنك انتبهت لها لاحقا .. لا وعامل إنو بقصدك
.. هادي يا طويل العمر يدرسها رضا سلامة و " محمد عبد الشكور أمين " .. مش " أمين نعمان " .. وين إنت رايح يا الحبيب .. إيش جاب أمين نعمان ..
عموما نزلها عند رضا سلامة بدون تفكير .. نار رضا سلامة أرحم من جنة محمد عبد الشكور أمين .. وركز في الاسم مرة ثانية ..
3) 463 .. أرجع مرة ثانية أقلك .. "مدكوووووور" .. بس ما أنصحك تنزلها .. مو لإنها مادة صعبة .. بالعكس حلوة وممتعة وسهلة .. بس يطلب فيها في الترم العادي مشروعين .. وإنتا مش ناقص مشاريع مع مشروع التخرج .
4) 454 .. "عبد الحميد رجب " .. إيش الإسبلنج الضايع دا اليوم !!! .. أنا أخدتها مع عبد الحميد رجب .. سهالة .. والشباب برضو يمدحو فرج النجاحي ..
5) 483 .. من فين جايب أسماء الدكاترة ؟ اللي يدرسها الترم الجاي حسب الأودس - ياعيني على التوثيق - هم : الغزواي ، باطرفي ، مشاط ، "عضو هيئة تدريس متعاون" .. وبصراحة ما أدري أنصحك بمين بالزبط .. أنا أخدتها عند شهاب في الصيف ..
تعبتني وأنا ماشي أعدل وراك أخطآئك .. وإنتا مسافر تتونس ولا على بالك ..
إجازة سعيدة .. وبالتوفيق الترم الجاي ..