وبقى التذكار ,,
السلام عليكم ورحمة الله وبركاته
يسعد مسائكم ,,
مع إنك رحلت بعيييد لكن بقى التذكار
ليا شافته عيني تسابق مدامعها
دفنت الغرام بخافقي والقلوب أسرار
مشاعر هقيت إن الليالي تضيعها
فرحت برجوعك ماطلبت لخطاك اعذار
ونفسي تناست ماجرى من تواضعها
تهادت مشاعر خاطري لك بلا معيار
تجاهلتها لو كنت خابر دوافعها
يقولون: جنّب درب مالك معه معبار
يلومون نفسٍ بعد الاحباب موجعها
يقولونها قبلي يخون البحر بحّار
والآمواج لاهاجت خذت ماتبي معها
جحدت الغلا لين امتلا بالخفوق وثار
قصايد عساها اليوم تطرق مسامعها
غرامك مثل نارٍ حطبها الغلا للنار
تموت وغلاك اللي بقلبي يولعها
غلاك بضميري واضحٍ ماعليه غبار
تشيل الغلا نفسي وأنا عاجز امنعها
|
من لزم الإستغفار جعل الله له من كل هم فرجا و من كل ضيق مخرجا استغفر الله العظيم وأتوب إليه ...
|
|