[solaaa]

لو مشكلتك انخفاض الضغط وتبا ضغطك يرتفع كل اشياء مالحه الفستق والفصفص

الأبيض اللي يخلي اللسان كأنها شبشب يفيد والمخللات مره كويسه لحالة انخفاض

الضغط ولو تباني اجيبلك اختي الصغيرة ترفعلك ضغطك انا حاضره

ولو السبب فقر الدم انا سايره دكتوره فيه هع

الأشياء المهمة ليك علشان تروح الدوخه ادا عندك فقر دم

1- التمر
2- العسل السدر افضل شي صح سعرو غالي بس لو علبه صغيره علشان صحتك وتاخدلك ملعقتين عالريق
ولو تبالو بديل في العسل الكشميري برضو كويس بس درجه تانيه
3- الزبيب الأسود
4- كبد الدجاج
5- الخضروات بجميع انواعها بس نتايجها تبان مع الأيام

^^

دي افضل الأشياء علشان تروح الدوخه وعن تجربه

_______

دحين راح ابدا في الكلام الكتير علشان غذائك يسير مزبوط الله يعينك عليا استعد

ضروري تاكل ثلاث وجبات في اليوم وضروري تكون مغذية

الفطور اهم وجبه لاتستغني عنها ابداً وخياراتها كتيره مشتقات الأجبان والألبان والبيض ولو حاب

البقوليات ودام بتاكل من برا انصحك بالعريكه مره مغذيه التمر اهم عنصر فيها

الغدا مع الرز والدجاج البخاري اللي بتاكلو ضروري تكون فيه سلطات السلطه مره مهمه تحافظ على مستوى

الدم خيار خس طماطم وتقدر تكتفي بالخيار والطماطم ولو حاب بصل اخضر جرجيير جزر ....إلخ

والعشا تقدر تنوع بين البقوليات والأجبان والألبان والخضروات والفواكه كمان

ولو حاب تاكل فواكه خليها قبل العشا او الغدا بساعتيين او ثلاث ساعات برتقال تفاح حبحب أيام الصيف <<

أموت فيه :$ وكل شي نفسك فيه .

سوري لو سببتلك قروشه بكلامي الكتير بس المفروض تهتم بصحتك علشان تعيش مرتاح ادري الأكل يبالو حرمه

بس ايش تسوي الله يرزقك بنت الحلال بأسرع وقت تسعدك وتهنيك وتأكلك مما يروق لك

الله يشفيك ويبعد عنك كل مكروه وبشرنا لو استفدت من تجربة احد مننا << ياااارب تستفيد