[مصره على قراري]

ظهرت .. من عيونك لهالدنيا
لليل .. والنهار
كانت السما زرقا .. داكنه
ما تغيرت .. والمباني ساكنه
الا على الما .. وفي قلوب الصغار
كان الطريق خالي
واحجار الرصيف .. تكسرت
وقلت مساحات الخضار
ومدري من البرد .. او قلت الاصحاب
كن الدروب تكورت .. على المساكن .. لكن
بقى لون الغبار .. وصوت الفراغ الداكن
في هالدروب ما تغيرت
ظهرت من جفونك .. ليلة عيونك
نثرت .. دمعك وقلبي
ليلة يجرحني العتاب
ومكذب عليك .. كنت مشتاق ليلتها وربي
لبيتي .. ولغرفتي .. ولمكتبي مشتاق
لاقلامي والاوراق .. ولقيتها .. مثل ما كانت
حلم وحروف من سراب
ومفرش محروق .. وليل مثل صندوق
وفجر بلا ابواب .. ووسادة يا ما ليالي
استكثرت نومي عليها .. ما تغيرت
رديني لعيونك .. ارجوك رديني
مابي احد مابيني
ابي عيونك بس تكفيني


سمو البدر .,