[مصره على قراري]

رح اناقش اخ

خالد صباح الخير :)

بخصوص تعليقك على حلقة داود الشريان
والي كتبته هنا


المشكله خارج داود الشريان
للأمانه انا ما لفتتني اي قضيه طرحها
ولا عمره طرح قضيه وكان لها صدى وانحلت
كل البرنامج صرخات ونظام تحشير ويعنني معك يالمواطن البسيط وقضينا

كل كلامي واستشهادي بالحلقه لانوا محتاجين حقوق هالفئه من المجتمع
من عشرين سنه صدر قرار دمج المعاقين حركيا بالمدارس العاديه

<< على حظي الحمد الله ولا الي قبلي ماكانو يقبلون بالمدارس
وانا رغم ان القرار صادر

الا اني طق مطاقق عشان اقبل فالمدرسه الابتدائيه
والحين دمج عام ولا في اساسيات الدمج اصلا

المشكله مستحيل احد يقدرها كثر الي عاشها وعانا منها
انت قلت انو عندنا مشاكل اهم واكبر ومحتاجه حلول

وللأمانه ما اشوف مشكله اكبر من فقد الكرامه

بتقلي المجتمع كله كذا او الوطن العربي كله كذا

المشكله عندي نابعه من تجربه ومعايشة وضع 900 الف معاق بهالبلد

وانا كنت ومازلت شايفه انو هذي اهم واولى من اي مشكله ثانيه

اعتبره تحيز لهم

مهما قلنا ومهم عدنا نظل مهمشين

لا هيئه عليا نرجعلها
لا تجاوب مع احتياجاتنا
افقر الدول تجاوزت هالمشكله
دبي الي مالها 30 سنه من بدت تتطور
عدت هالشي وتفوقت فيه

وين انسانيتنا اذا للحين
نترجى المسؤولين ترجي تكفون التفتوا لنا

ترى عندنا اشياء كثير نقدمها بس ساعدونا

ما ابي قمة التكنولوجيا بخدمات هالفئه

كل الي ابيه ويبونه هم بعد
(سيارات خاصه تصرف لشباب مع سايق + خادمات للبنات + ترفع الاعانه من 800 ريال لشلل النصفي و 1500 لشلل الرباعي لمبلغ يفي بحتياجاتهم الضروريه ويكفيهم عن الحاجه لناس + مراكز تدريب وتأهيل لهم + اجبار القطاع الخاص على توظيفهم + معاقبة ارباب العمل اذا ثبت اي استغلال لأي معاق + مشاركة صندوق الموارد البشريه في رواتبهم + نبي مراكز تأهيل على مستوى عالي (اظن مايعجزن ينشئون مركز مثل مركز عبد اللطيف جميل بجده في كل محافظه قمه فالخدمات واحترافيه عاليه بس للأسف تكلفته عاليه )+ ساعات العمل والتقاعد ومراعات الاعاقات ونوعيتها وتأثيرها

من الاخر نبي حياه كريمه
اتعالج + امارس يومي + اشتغل واعول نفسي وانتج

كل مطالبنا محرر فيه قرارات واضحه وصريحه
لكن ماتفذ شي

في قرارات لها عشر سنوات صادره
واقرب قرار مانفذ له 8 سنوات

لمتى هالحال .,؟!

قسما بالله العلي العظيم

يجبرون الواحد يكره حياته ويكره المكان الي عايش فيه
على هالاسلوب

انهب يااخي بالعافيه عليك
حط ميزانيات ضخمه دبل , تربل
بس نفذ المطلوب منك على اكمل وجه واتهب الباقي محد قايلك لا

مشروع بمليون قل بسته نفذ المشروع بالمليون على اكمل وجه وانهب السته بالعافيه
بس نبي نشوف شي على ارض الواقع

لكن ينهبون كلش لا تنفيذ ولا حتى تجاوب

هذي اسمها (قلة حيا)

.,