[ايمي المآلكي]

وعليكم السلآم ..

يآآآ حبيبتي إنتي كلآمك كله صح .. بس حبيت أعلق على شي .. ( ليه مآ يعآملونآ بأسلوب رآقي زي الإنتظآم ) ..

ومن قآل لك يآ عزيزتي إننآ نتعآمل بأسلوب رآقي ..!!

بالذآت موظفآت الأمن أبداً تعآملهم مو رآقي لآ مع إنتظآم ولآ مع إنتسآب .. في وحده منهم أو أثنين بالأصح إللي بالمكتبة المركزية أخلآق الصرآحة ولأني كنت أتردد ع المكتبة كثير صآرت علآقتي فيهم كويسة وآخذ وأعطي معهم .. زبدة الكلآم إني مرة جلست أسولف معهم عن أنظمة الجآمعة وسألتهم ليش بنآت الإنتسآب بس شمآلية ! يعني مو طآلبآت مثلنآ ؟ مآ لقيت رد مقنع الصرآحة بس قآلت لي أحسن كذآ ولو يرجع النظآم زي زمآن أحسن .. وش كآن النظآم القديم يآ حبيبتي .. إنه لكل كلية بوآبة معينة ، يعني مثلاً أنآ إقتصآد وإدآرة بوآبتنآ غربية 1 ولكل كلية طبعاً لون بطآقة أعتقد للتمييز .. قلت لهم يآ سلآآآآآم طيب وإللي عنده أكثر من بنت بالجآمعة وش يسوي ! يقعد يلفلف من بوآبة لبوآبة ، قآلت لي لآ تجيب تصريح إنهآ أختهآ وتطلع معهآ من نفس البوآبة .. يعني شغلة تعقيد في تعقيد ..

وعشآن تتأكدي إننآ أبداً مآ نتعآمل برقي .. سآلفة الخروج السآعة 10 يعني عآنيت هالترم لأني تخرج وأطلع للتدريب معآنآه فظيعة .. في البدآية مآ رضيوآ يطلعونآ بورق التدريب ولآزم تصريح من الشؤون ونروح الشؤون تقول مآعندي صلآحية ونرجع للأمن تقول روحي الأمن والسلآمة ونروح للأمن والسلآمة يقولون من أستآذتك وأروح للأستآذة وتكتب لي خطآب خروج مبكر وتقول إنزلي وقعيه من فلآنه وأروح لهالفلآنه وتقول لي مآ ينفع الخطآب كذآ وتتصل على مدري مين بالأمن والسلآمة المهم إنهآ لطعتني لطعة محترمة وقآلت لي بكرآ تعآلي وجيبي ورق التدريب إللي عند الشركة وقلت لهآ طيب سمي على هالخشم ومن طلعت من بآب غرفتهآ قلت إفلقيني لو شفتي وجهي مرة ثآنية ..

والشي الثآني التفتيش سواء ع الملآبس أو الهدآيآ .. والله كنت جآيبة هدية وغآلية ومغلفة تقول مآ تدخلين لين نفتحهآ قلت سمّي أفتحهآ بس ترجعينهآ زي مآ كآنت ؟ قآلت لآ مآ أضمن قلت أجل معصي قآلت مآ تدخلين قلت إبشري إلحين أدق على أبوي ، وأجلس على كرآسي الإنتظآر تجيني وحده منهم تقول ممنوع تنتظري هنآ وممنوع تطلعين الآن !! يعني بالقوة تفتحين الهدية ، قلت طيب أدخل بس أخلي الهدية هنآ عند الكآونتر وأدخل قآلت إللي ع الكآونتر لآ .. المهم إني عيت أفتحهآ وطلعت أختي وأقنعتني أفتحهآ قسم بالله حسيت دمي يغلي دخلت من البوآبة وقلت للي وقفتني لآ تتفلسفين مرة ثآنية قالت مع نفسك قلت مع نفس أهلك .. بالمختصر نآس مآ يجوآ إلآ بالأسلوب الوصخ زي أسلوبهم .. ومعآنآتي أنآ معهم كثيرة فلحد يضحك عليك ويقول لك إن الإنتظآم يتعآملون بأسلوب رآقي ..

طووولت بقوة بس حبيت أبين لك إن إللي تشوفونه أرحم من إللي نشوفه حنآ الإنتظآم ..