رد: حملة لطلاب الانتساب( مطالبة بمساواتنا بطلاب كلية الاداب ووضع اختبارات في الرياض)
السلام عليكم ورحمة الله وبركاته....
الموضوع هذا يتكرر مع نهاية كل ترم وأصواتنا للأسف لايهتم بها وندءاتنا لاتسمع وطلباتنا مهملة ولاتجاب.
لكن أنا أبغى أحد يجاوبني من المسؤولين ليش معظم الجامعات السعودية عندها اختبارات مناطق وجامعة المؤسس لازالت على طمام المرحوم.
ليش فقط كليات محدده عندها اختبارات مناطق وكليات ما عندها.؟؟؟؟؟
اذا آلية اختبار المناطق موجوده عندكم ومطبقة على كليات محدده ليش ماتعمم على جميع الكليات وخلو حياتنا أسهل وبدون تعقيد.
أنا طالبه في كلية الاقتصاد والإدارة هذا اجمالي المدفوعات من اجل السفر الى جدة، طبعا جميع التكاليف تحملها زوجي...صورة بدون تحية للمسؤول عن المرمطه هذه:
1400 ريال تذكرتين سفركبار وتذكرة طفل.
4200 تكاليف سكن لمدة 13 ليلة "فترة الاختبارات"
1200 أجار سيارة
1500 ريال تكاليف أكل وشرب
طبعا بالاضاف الى الرسوم الفصلية 3000
الاجمالي 11300 ريال رقما، احدى عشر الف وثلاث مائة ريال.
كل ترم ندفع المبلغ هذا، وأنا متأكدة في ناس تدفع أكثر من كذا بناء على عدد أفراد الأسرة.
أنا ما أبغى أطيل في الكلام.
لكن خلونا ناخذ الموضوع من زاوية ثانية.....
لو فتحوا اختبارات المناطق وش الفائدة اللي تجنيها الجامعه؟؟
نأخذ الرياض على سبيل المثال:
حسبه بسيطه وسريعه!!
عدد الطلاب والطالبات المنتسبين من الرياض أكثر من 10000 طالب وطالبه
تكلفة اختبار المناطق 1000
10000 * 1000 = 10000000 "اي عشرة ملايين ريال"
أتوقع بالمبلغ هذا يقدرون يجيبون الأسئلة لبيوتنا بعد...
أشكركم على تجديد الموضوع واأتمنى أن تسمع أصواتنا هذه المره
والسلام عليكم ورحمة الله وبركاته..
|