[عهد جدة]

هلا يسلمو على الطرح والله يوفق الجميع يارب :
رها اقتصادي ولااا اروع وهيه حبوبه جدا والاسئله منوعه مابين الصح والخطاء والاختيار من متعدد اختصرت لنا الكتاب الله يسعدها يارب قالت ذاكرو من الشرايح بس واسئلتها كانت مره واضحه كانت مية سوال اتكسرت يدي وانا احل خرجت اخر وحده من القاعه مااقول غير الله يفتح لها من كل ضيق مخرج يااارب.
والباقي عندي كله تناح مدري من الماده او الاسئله او مخي .
وجدي حضري اتوقعت الاسئله بتكون حلوه زي اسلوبه الحلو واسئلته في السنترا لا فيها شوية غموض وماتتسمى سهله كانت موضوعيه مابين اختياري وصح وخطاء /نقول عن الاختبار نص ونص ,

نظريات مع عبيد حليله يجي المحاضره مو عارف اش مقرر معانا وايش محذوف غير احنا قلناله في مفردات معينه يشرح على حسب فهمه بس ويقول كل شي معاكم وكلامه غير الكتاب مره من معلوماته العامه جاب 50 سؤال كلها صح وخطاء داكرت والحمدلله من كلامه وبس طبعا الكتاب كله علماء جيت مسكت الورقه حايسين العلماء في راسي ماادري نظريت فلان من نظرية فلان خططت من عندي وربي كريم .

النوري واااه من النوري شرحه كان من صفحات ورد وقال احفزوا كلامي كلما بكلما الي بقوله بس وكان يكرر علاقه عكسيه وعلاقه طرديه والمشكله اني مو عارفه اش معنى عكسيه من طرديه ويقراء كان لنفسه بعدين يفتح الشات ويقول فاهمين والبناااات ايييييوه وكل وحده موداريه هوه فين واصل محاضرة نوم وقراءه وعند الاختباااار واااو فتحت الورقه كانها احصاء والادهاء والامره كل الاسئله عكسي وطردي الي انا مو فاهمه اش معناه الاختبار اختياري فقط 40 سؤال حاااقد واضح والاختيارات وصلها الين حرف هـ قولولي قد في ماده فيها الين حرف هـ من جد تعقيد خرجت من القاعه واصيح بااعلى صوتي راسبه راسبه من جد صععععب بس اطلب من ربي الثبات والتوفيق ياارب.

وغاده بن محفوظ وهيه معانا في الماده تشريعات شكلها حليل وشابه وحلوه واتساعد قالت بجبلكم اسئله تعداد وحددة عشرين تعداد نحفظهم لما شفتها على الطبيعه مو زي الخيال والصوت والرزه طيب ماعلينا نبغا نشوف الاسئله الحين وفي اشياء حذفتها كمان الكتاب حلو لاكن من حقها تقول بجيب تعداد يساعدكم الصح والخطاء حسيت فيه غموض وماعرفت اجاوب ورحت للتعداد الادهى والامر اتدكر واحد والباقي انسااااه اقووول تنااااح

والله يوفقني واياكم يارب ومايضيع لنا تعب يوميا اداوم من مية كيلو يارب نجحنا ياررب