رد: طالبات بلاغة 2 ممكن تتفضلوا
اولا احب البلاغة فحتلاقي شهادتي مجروحة هي حلوة وبشكل عام تحتاج تركيز عالي وتحريك للعقل يعني ماينفع تداكريها زي ماتداكري الادب فهي تحتاج فهم اكثر وتطبيق وتدريب علشان تكوني متمكنة منها اكثر ممكن تقولي زي الصرف
ثانيا الدكتور شرحه ممتازوالاسئلة جت على مادكره في السنترا على الاكثر والملزمة سهلت علينا كثير وبعدين الاسئلة جت منها واغلب الامثلة
ثالثا زي ماقالو الشباب الدكتور شديد التركيز ويهتم بالتفاصيل واصلا البلاغة كلها تفاصيل
آخر شي اسئلتنا مقالية وطلب فيها دكر امثلة يعني مهم تحفظي امثلةوتكثري منها وانا تعبت جدا وانا احلها تخيلي السبت اسلوب والاحد صرف والاثنين بلاغة مرة ارتهقت وضحيت بنومي كي اداكرمع اني توقعت اخد 80على الاقل اخدت نفس درجة ادب دول ماادري هل بسبب النظام الجديد والا انا شطورة مرة
|