السلام عليكم ورحمة الله وبركاته
أخباركم شباب
1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟
الطب البشري شامل أكثر من الأسنان .. يعني الأسنان إذا تحبه إدخله لإنك بتسير طبيب أسنان ف النهايه وحاجه تحبها أهم شي أما البشري فالتخصصات أوسع من ضمنها العيون بعد 7 سنوات تختار تخصصك الدقيق سواء عيون أو غيره من التخصصات .. القسمين حلوه بس البشري دوامه وجهده أكبر مقارنه بالإسنان .. أهم شيء حاجه تحبها ولا تشغل بالك بالباقي ^^
2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟
اممم جامعتنا معتمده كندياً بس الأولى سعود وبعدها عبد العزيز وكلها قويه ف التخصصات الصحيه
3- بالنسبة للمكافئة هي ألف ريال يقولون صارت 2500 الكلام ذا صحيح ؟
امم أعتقد زي ماهي 990 , اللي زادت رواتب طلاب وطالبات الإمتياز السنه هذي مكرمه من خادم الحرمين
4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟
والله ماعندي علم كم سنه بالضبط , لما أتخرج أجاوبك ^^
5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟
حتوضح لك الأمور هذي أكثر لما تتخرج .. وحيكون قدامك فرص كثيره بإذن الله
6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟
برضوا ما أدري عن حكاية الرواتب لسا بدري ^^
7- كيف طريقة العمل والمناوبات وأتعين في المكان اللي أبيه ؟
المناوبات على حسب التخصص والإحتياج وأكيد المستشفى حتستدعيك لو في حاله تحتاج تواجدك
أما المكان اللي تبيه فمو دايماً سهل .. حتسير دكتور إن شاء الله يعني ماحتفرق معاك إن شاء الله ^^
8- سمعت عن شيء اسمه md وشيء اسمه mbbs وش سالفتها ؟
ما أدري والله
9- كيف دراسة الطب وهل هي صعبة وكم متوسط معدل نسب اللي يتخرجون منه ؟
الصراحه الدراسه صعبه ويحتاج لها جهد وتنظيم للوقت بشكل كبير بس دائما أقول صعوبه مقدور عليها يعني مو عشان أحبط أحد أو شيء لا والله بس أبغاكم تكونوا في الصوره وماتنصدموا ف بداية السنه .. واإلا الدراسه ممتعه جداً حتفضل طول الوقت تحس بنعم الله عليك .. وإنك إنسان صاحب رساله عظيمه الله يجعلنا من أهلها ومن يخلص العمل لوجهه الكريم
10- تنصحوني أدخل طب مع العلم أحب الأحياء وأكره الرياضيات والفيزياء ؟
الإحياء مو تقييم لمناسبتك لقسم الطب - كما كنا نعتقد - المقياس الحقيقي هو محبة القسم والجمع بين الحفظ والفهم وتنظيم الوقت فالطب أغلبه فهم قبل الحفظ , أكيد كونك ماتحب الفيزياء والرياضيات ماحتدخل هندسه بس برضو مو معناته إن الطب هو الإنسب .. فكر في كل التخصصات القريبه لمويلك ثم اختار الأنسب لك دائماً , فكر كثير لإن تخصصك هو حياتك ومع ذلك إذا شعرت أن الطب هو الإنسب لك بعد الإستخاره والإستشاره فنصيحتي تمسك به لآخر قطره
11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟
والله إن السنه التحضيريه سهله جداً , وكل المتخصصين يوافقوني الرأي , بس صعوبتها تعرف تكمن فين ؟ في البدايه وفي القلق النفسي والضغط ما تعرف إنك حتنقبل في القسم اللي تبغاه وإلا لا ؟
وإلا هيا سهالات لا تشغل بالك
وقارنت بين الطب من ناحية المميزات والعيوب
بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا )
كل اللي قلته صحيح , بس ركز على إنك بتكون مسؤول عن معالجةة الناس .. والناس حتثق فيك لأبعد الحدود .. لذلك راقب الله فيهم دائما واسأله أن يسددك ويعينك ويسخرك لخلقه .
أذكر إحدى صديقاتي أمها طبيبه عيون وتقول لي دائماً أمي لما يكون عندها عمليه لإحد مرضاها
قبل العمليه بيوم أو يومين تصلي ركعتين وتدعي ربنا يوفقها ويسدد يديها وتخرج من البيت وكلنا ندعي لها " الله يحميها من الدكتورات الناجحات ف عملهن .. والباقي ربنا بيسهلك إياه بشكل ما تتخيله صدقني ,
عيوبه ( دراسته طويلة وصعبة + مدري عن طبيعة العمل ممكن تفيدوني )
امم والله من ناحية طول الدراسه فهي طويله وصعبه زي ما قلت وتحتاج صبر من حديد عشان توصل وتحقق كل اللي تطمح له كطبيب .. بس برضو أرجع وأكرر لما تحب قسمك حتضحي عشانه كثير وكل النقاط اللي ذكرتها الآن حتنساها ف يوم من الأيام وتحب وضعك ونظام دراستك .. حتتأقلم وتتعلم وكل سنه تخرج منها بفوائد عظيمه وعلم غزير ,
وش رأيكم ؟
وشكرا لكم واعذروني إذا كانت الأسئلة مستهلكة أو مكررة وشكرا لكم
أهلاَ بك في كل وقت ,
والله يوفقك ويختار لك الأفضل
ونشوفك من أكبر الأطباء !
> إسال عن كل شيء ولا تعتذر لإن هذا واجبنا