وعليك السلام ورحمة الله وبركاته
السنة التحضيرية من احلى سنوات الجامعة << ماقد خلصت الجامعة بس اول شيء احلى شيء خخ
سنة خفيفه وحليوه على قلبك لانك بتخلصي من الثانوي ب الكرف وكل يوم واجبات واختبارات قصيرة كل يوم عشان النسبة ومدري شنو و..... و...... الخ وحتى بالمريول خخ
والترم الاول رح يمررر بسرررعة البرق لان بتجلسي تستوعبي المكان اللي انتي فيه وكل يوم تستكشفي مكان جديد >> اذ انتي في السليمانية
ع طاري السليمانية اهم شيء احفظي المباني حقتك اللي بجدولك وبووووووووووووابتك اللي تجي وتروحي منها اذكر خرجت من مبنى 12 شفت وحده باين عليها دكتوره او شيء لها منصب لابسة نظارات وتمشي واثقه ورافعه صدرها وأنا من الدووخة ومو عارفه شيء اشوف افواج تروح يمين وتروح يسار وانا ابي اتحرك ومو عارفه شيء ولقيت هالانسانه قدامي ومو عارفه وش اقول بعدين قلت اسئلها انتي تحضيري !!! انقلب وجهها نعم حبيبي وانا اطالع فيها واعيد السؤال بكل برائه بعدين حاولت اتدارك الوضع قلت وين البوابة الغربية1 قالت شوفي تروحي وانا اسوي نفسي فاهمه بس ابغاها تخلص والقط وجههي وشوي تقولي اسئلي اللي بسيارة القولف وقلت لها شكرا ولا ردت بعدها مشيت يمين ويسار وحرمممت اسئل احد بس اطلع الكار وانا ساكته هم رح يقولو هذا مبنى ايش وهذا مبنى ايش وبطلت اسوي يعنني اعرف هالجامعه خخخ
هذا في الاسبوع الاول هع
نجي للمواد
انا كنت الترم الأول خطة أ يعني ادرس رياضيات ، انقلش ، عربي ، ححاسب ، ثقافة
الرياضيات كان جددداً سهل منهج المتوسط والابتدائي اضمني فيها الدرجة الكاملة وكانت استاذتي غاده باسندوه عسسل ماتحاسب كثير ع الحضور والغياب وتفهمك مضبوط اذ ماكنت فاهمه شيء في الرياضيات ومايعتمد على الفهم بس كمان على التدريب والتمارين لازم تمرني يدك على الحل وتحلي بنفسك لان محد بيوقف على رأسك ويقول حليتي الواجب وليش ماحليتيه
الانقلش يبغاله موضوع لحاله هع
العربي ماحبيت الماده كلش من استاذته النايمه ولا كان ع الصبح يعني تنامي غصصب اختباراته كان يبغالها تركيز مو حفظ والسلااام
الححاسب وما ادراك ما الحاسب هذي المادة كنت ادرسها في مبنى 3 وكانت ارقام الغرف نفسها في الدور الارضي الا انو جههة مخصصه للابات وجهة كلاسات عاديه واول يوم كنا ناوين فيه انا وصاحبتي نحضر حاسب ودخلنا الكلاس العادي ( عندنا حاسب المفروض يكون لاب مو عادي ) ومرينا وشفنا الكلاس فاضي ومستغربين مافي اححد وجلسنا ومرت بنت وسألتنا انتو عندكم حاسب هنا قلنا لها ايه قالت اشبها الاستاذه ماجات قلنا شكلو اليوم مافي يلا مشينا وجاء موعد المحاضرة الثانيه ودخلت انا وصاحبتي ولقينا الاستاذة والبنات كثيررر وزحمة وي دوب لقينا كراسي جنب بعض وجلسنا واطالع الجهه اللي جنبي والقى صاحبتنا اللي كانت معنا وسلمنا عليها والاستاذه اللي ورى هووووس وقالت ها ي بنات متى تبغو الاختبار قالو الاربعاء قالت ماشي وشوية بنتين يعترضون لالا ي دكتوره عندنا ماده الضريبة قالت اللي يبغى الاربعاء يرفع يدو قامت صاحبتي ماقصرت رفعت يدها والاغلبيه وتم على الاربعاء ووزعت لنا اوراق وانا ما اخذت واقول ي استاذه انا ما اخذت تقولي مو مشكله صوروها من بعض وقالت انو الاربعاء اللي جاي ماتقدر تجي وجلسنا نحاول نقولها خليه اوف وانا وصاحبتي كنا بنتشقق من الفرح من قدنا عندنا اوف خخخ بعدين بدأت الدكتورة تتكلم عن مادتها شكيت انا قلت اش هذا طالعت باللي خلفي سألتها هذي وش تدرس قالت اسم مادة غريبه قلنا اما مو حاسب قالت لا وقلنا لها سالفتنا وقالت اطلعو اطلعو بسرعة قلنا لها طيب وين كلاسنا قالت بالخلف وقمنا من الفشله ومانبغى احد يشوفنا وشافتنا صاحبتنا مستغربة ليش قايمين قلنا تعالي تعالي طلع مو هذا الكلاس الله لايفضحنا >> شطحة
الححاسب سهل بس لاتتهاوني فيهه
الثقافه ماده يحتاج لك تفهميها وشويتين حفظظ اذ تبغي الدرجة الكامله واستاذته العسل رحاب بدوي الله يوفقها وين ماراحت ماتعطي حرمان
ايهه وانتبهي تحضري احد ترى والله تتورطين واسئلي مجرب هع
انتهينا من الترمم الاول