[جيزان]

لاحبيبتي المعلومة اللي سمعتيها غلط
صحيح انه f راح يأثر على معدلك وعلى كلامك كلها مواد من 5 ساعات
بس لما تعيديها وتاخذي فيها 90 او 85 وكمان مواد ب 5 ساعات راح ترفعك كثييييييييييييييير

انصحك تعيديها وتشدي حيلك فيها تمام عشان ترفعي معدلك

وانصحك استخيري مرة واثنين وثلاثة وعشرة
والطب تخصص مو سهل شي طبيعي في البداية تحسين انك ضايعة ومو قد التخصص
وحتى لو رسبتي مو اخر العالم
اهم شي تتعلمي من اخطائك وشوفي انتي كيف كانت مذاكرتك اكيد فيه خلل ولازم انتي تكتشفيه بنفسك
وحاجه مهمة ( ارجع اقولك طريق النجاح ليس مفروش بالورد وخصوصا كلية الطب مو سهله لانه في الاخير بتسيري دكتورة ! شي طبيعي تكون الكلية ساعاتها كثير وموادها مكثفة وتشوفي صعوبه في البدايه وانتي لسى اول سنه

وانتي الحين في كليه الطب اللي غيرك بيتمناها كثير وخلاص دخلتيها اكيد خيرة لكي من ربي )
ويمكن رسوبك خيرة كمان
واللي فهمتوا من كلامك انه معدلك واطي وماراح تنقبلي في ادارة واقتصاد ولاعلوم طبيه
طيب ولنفرض مثلا جيتي كليه العلوم ترا لاتفكري انها سهله صحيح لاتقارن طبعا بكلية الطب
بس شوفي كيف سلايدات على كتب وكمية مناهج والله كبيرة على معامل لحد 5 العصر

طيب ليه التعب ؟ وتحولي من تعب لتعب كمان؟ وتتركي كليه الطب

انا بنظرتي المتواضعة بشوف تعيدي المواد وشدي حيلك فيها فوق 85 على الاقل
وابدأي السنه الجايه بروح جديدة ونظرة جديد وانسي كل اللي فات واعتبريها اول سنه لكي في الطب
الله يوفقك حبيبتي