[غيم تايه]

المشاركة الأصلية كتبت بواسطة ميششووو السلآم عليكم .. آول شي آحب ابآرك لكل اللي نجحو وبالتوفيق يارب .. بدخل بالموضوع على طول انا حآبه تسآعدوني ويساعدني غيم تآيه بـ اختيآر مواد للترم الجآي عشان ابدا اشد حيلي من بدري لاني حآبه ارفع معدلي :( طبعا غير هالمواد لاني اخذتها ( علوم القرآن - فقه السيره النبويه - فقه العبادات 1 - عقيده 1 ) وابيكم تنصحوني بماده حرره سهله اقدر اجيب فيها a+ ولكم آحلى دعوه ومشكوررررين مقدمآآآآ

حياك الله اختي :

المسألة يحكمها معدلك ، على معدلك يكون الساعات المسموح بتسجيلها ،، لكن نصيحة لوجه الله ..
إذا انتي طالبة ومعدلك نازل ، وعندك رغبة صادقة أنك ترفعين معدلك وتحسنين من وضعك ..
فسجلي عدد ساعات قليل ، واحفظيها تمام وحققي فيها الدرجات العالية ، حتى يرتفع المعدل ..
وإذا أنتي انسانه عندك الرغبة في تعديل المعدل ولا راح تذاكري وتغيري من اسلوبك وطريقتك ..
فلا تأخري نفسك ، سجلي اقصى عدد من الساعات ، وانجحي لو على البركة أو الحفه مثل ما يقولون
ما فيه فائدة تسجلين عدد قليل من الساعات ، وانتي ما بتذاكرين ، وهذا حاصل للأسف لبعض الأخوات
بل على العكس حملوا مواد .. يعني كأنك يا بو زيد ما غزيت .

نرجع لطلبك خصوصا وانك دخلتي في الموضوع على طول ،، وهو مواد الفصل القادم .. هذه خطوة
مبكرة ، لكن رائعة إذا انتي من ضمن الأخوان والأخوات اللي تواصلوا معي في رغبة انه الصيفية
ما تروح عليهم ، بل بيطلعون على بعض المواد ..
إذا انتي ما أخذتي القرآن فرصة تسجليه الفصل القادم ، وتستغلي الفترة هذه في حفظ الجزءين المطلوبين
28 و 29 .. عشرين سورة كاملة .. وياليت تذاكري من كتاب الروض المربع ،، كتاب النكاح ،، اللي هو احوال شخصية 1 ،، وأيضا أصول فقه 1 ، هذه مواد ضروري تاخذيها الفصل القادم ،، مادة علوم الحديث .. وهي مادة سهلة ،، لكن جميع هذه المواد لما ينزل معلماتها نقرر في الاستمرار في اخذها او تغييرها ، تحتاجين أيضا لمادة العقيدة 2 ،، وياليت تنزل عن الميداني .. الفصل اللي راح بيضها مع الأخوات . . أما المادة الحرة ،، فأكيد مادة علم نفس نمو ،، أو الإقناع مع الدكتور انمار .. لا تفوتيها .
لكن نصيحة لك لا تستعجلي في المادة الحرة ،، وتخليها في فصول متأخرة لسبب لو تعارضت عليك المواد التخصصية ، تلقين منفذ في هذه المواد الحرة .. عندك المواد الأجبارية اللي من خارج القسم
هي الأجدر بالتفكير ، الفكر الفلسفي ، العلوم الطبيعية ، القيم والمواطنة ..

طولنا عليك /// موفقه يارب ..