اخوي ميدو
صح كلامك
بس المشكله ان الكتاب شكله كبير وصعب واوارقه كثيره وهذا يسبب حاجز نفسى امام الطلاب
رغم انه افضل والله
دائما اقول لشباب احنا انتساب مدفوع يعنى دافعين 3000 يعنى حرام علينا نضيع فلوسنا
عشان كذا انا كل ما اتكاسل عن المذاكره استشعر انى دافع هذا المبلغ
مشكور اخوي ويعطيك العافيه على النصيحه المفيده .
|
أخوي مارس... معليش لو انك تبدأ شراء الكتب والمذاكرة من الحين،وخصوصاً انك ما شاء الله المستوى السادس يعني يبقى لك سميسترين...فلو شديت الحيل شوي بس ان شاء الله حنسمع اخبار حلوة عنك باذن الله...
صحيح الكتب ضخمة والكلام فيها اغلبه دش (
حشو) لكن افضل اسلوب هو قرائتها على مراحل من الآن، يعني لو كل أسبوع أخلص مثلاً فصل واحد قراءة عادية باستخدام القلم الرصاص لتحديد المعلومات المهمة فقط، وبعدين قبل الاختبار أمر عليها مرور... صدقني والله راح تجيب درجة عالية (كلام مجرب... ولا تسأل طبيب؟
) لأن الأسئلة ما راح تخرج عن الكتاب....وبعدين في معلومة كنت احتفظ فيها لنفسي لكن الحين ابغى اهديها لك وللأعزاء أمثالك..(أغلب الدكاترة او بمعنى أصح كلهم حاطين المذكرات و الملخصات السالفة الذكر نصب اعينهم، ويحاولوا ما يجيبوا منها الا حق درجة النجاح او درجة مقبول).. "هذا الكلام من مصادر موثوقة 100 %".
راح يقول البعض اني دافور وكلامي ما ينطبق عليهم... لكن الصحيح هو عكس ذلك تماماً... لو تعرفوني من قبل راح تنصدموا؟؟.. انا كنت و لا زلت اكره المذاكرة بشكل عام!!! لكن طريقة قراءة الكتب كأني اقرأ صحيفة كان لها مفعول السحر الى درجة اني صرت اجيب ممتاز اللي آخر مرة حصلت عليها أيام الابتدائي (هههه)...
وعلى العموم اي اختبار يعتمد على التوفيق من الله عز و جل... و ما احتاج اوصيكم ان شاء الله... والله يوفقك و يوفق الجميع... (آسف عل الاطالة لكن والله حبيت اشارككم خطتي لمحبتي لكم في الله).....ودمتم